上海美華菜館 (已結業)

晨早流流，同事話好想出去食個有力量嘅早餐。於是我哋就去咗公司附近呢間上海美華餐廳。同事同我分別每人叫了一個粢飯，佢要鹹豆漿，以我叫了一杯凍豆漿。粢飯真係好多了好多材料，條油炸鬼仲好脆下，入入面除咗有油炸鬼仲有榨菜同肉鬆。材料真係好夠㗎 ！我覺得食完之後真係充滿力量啊。至於鹹豆漿我同事話好好味喎，好夠味，但我個人就覺得怪怪地（利申：我無試！），凍豆漿都算有豆味嘅，不太甜，普普通通中規中矩嘅一杯豆漿啦！耐唔耐食下上海食上海式早餐都唔錯㗎 ！好過成日食西餐早餐咁悶啊！