心粥館 (已搬遷) 新店位置

澳洲朋友回港，想到香港工業中心一趟.. 趁呢期得閒，咁梗係閒日下午去啦﹗去到附近美心，撞正午餐時間，冇位，咁就行遠少少，去左心粥館了。同朋友 share 兩樣野，如下: 鮑片魚片粥: 成煲上，熱辣辣 ~ 滾下滾下滾左兩分鐘先停。個粥底好線，同埋好鮮甜。鮑片魚片都好夠，唔錯。 油炸鬼: 較硬同埋凍左，一般，用黎送粥食都算係咁。 鮮蝦雲吞米: 雲吞一般，蝦唔夠彈牙，唔夠新鮮。米粉好碎，同埋唔夠湯。而湯唔夠熱，令人感覺好似擺係度攤左一陣咁。 +$6 郊外油菜: 要左小棠菜，都 ok 清的，但 d 菜就老了一點 如果沒有粥的話，有可能會比喊面。但個粥真係唔錯，拉勻返，ok 啦﹗