靠得住粥麵小館 (MOSTown新港城中心) (已結業)

成日行過，見到招牌有米芝蓮必比登推介，但係都未試過。今日晚餐終於試下，見到餐牌都有幾多選擇，有家常小菜，有炒飯粉麵，有小食，不過佢最出名都係粥品。粥品有好少見既豬潤，豬粉腸。- 酸菜魚 (原條䱽魚)原價碼138，有堂食優惠價 $98，所以試下。平時食酸菜魚係都係魚片，未試過食原條䱽魚。賣相幾靚，不過味道偏淡，酸菜一般。因為個碟太深，䱽魚又原條上，成日潛咗入湯底，好難夾。- 豬潤魚腩粥粥底好好，豬潤煮得啱啱好，爽口又大大件。成碗粥都好好食，不過貴啲，性價比一般，間唔中食碗靚粥都開心既。