影片
更多
2021-07-07
419 瀏覽
之前經過呢間粥店已經覺得好懷舊好熱鬧好抵食，早兩日出左荃灣又想食清啲就諗起呢間粥舖～我叫左個艇仔粥走青（＄１６）加即蒸香蔥蝦米炸兩（＄２２）好欣賞呢度既粥底！👍 綿得黎食到少少米粒，幾香米味，而且完全零味精味👍👍十幾蚊既艇仔粥黎講都幾足料，有魷魚，豬皮，碎牛同花生，魷魚唔ＵＮ，豬皮乾淨，碎牛正常，花生香脆，幾滿意！👏因為我好憎食唔脆既炸兩，所以唔敢搏叫普通炸兩（＄１０）而叫左個即蒸既～我見即蒸普通炸兩都要＄２０，就決定俾多＄２試個特別D既即蒸香蔥蝦米版～即蒸等左大約５分鐘，不過一黎到已經覺得就唔係好見到蔥花，蝦米份量都偏少～食落去炸兩唔夠脆，腸粉皮唔算滑亦唔夠薄，專登俾＄２２去試既呢個炸兩令我有D失望。。。唔太值～其實呢度都幾多選擇，有糖水，魚蛋燒賣，缽仔糕等等，仲有粥店比較少見到貌似幾吸引既炒河同炒油麵（通常都係得炒米同炒麵揀）整體黎講性價比都算高，下次再黎既話粥一定係首選！👍👍
我叫左個艇仔粥走青（＄１６）加即蒸香蔥蝦米炸兩（＄２２）
艇仔粥
$16
13 瀏覽
0 讚好
0 留言
艇仔粥
$16
15 瀏覽
0 讚好
0 留言
十幾蚊既艇仔粥黎講都幾足料，有魷魚，豬皮，碎牛同花生，魷魚唔ＵＮ，豬皮乾淨，碎牛正常，花生香脆，幾滿意！👏
即蒸香蔥蝦米炸兩
$22
14 瀏覽
0 讚好
0 留言
即蒸香蔥蝦米炸兩
$22
13 瀏覽
0 讚好
0 留言
我見即蒸普通炸兩都要＄２０，就決定俾多＄２試個特別D既即蒸香蔥蝦米版～
即蒸等左大約５分鐘，不過一黎到已經覺得就唔係好見到蔥花，蝦米份量都偏少～
食落去炸兩唔夠脆，腸粉皮唔算滑亦唔夠薄，專登俾＄２２去試既呢個炸兩令我有D失望。。。唔太值～
其實呢度都幾多選擇，有糖水，魚蛋燒賣，缽仔糕等等，仲有粥店比較少見到貌似幾吸引既炒河同炒油麵（通常都係得炒米同炒麵揀）
整體黎講性價比都算高，下次再黎既話粥一定係首選！👍👍
張貼
