靚粥工房 (已搬遷) 新店位置

幾個好友gathering! 呢間朋友食過話好味！要早兩個月訂位！晚上9點半到！原來呢度好細！怪不得咁難訂位！只有4張枱！無乜裝修！牆上貼滿可另加嘅食物小菜！坐低店員已極快手上粥底！加好多食物！因為其中一位未到！店員都會問定可唔可以上食物！好快已經放滿一枱！三女一男真係怕食唔晒！即刻開動！海鮮類：三點蟹：雖然細隻，都有膏，蟹肉新鮮！魷魚：爽口彈牙！鮑魚：自己對鮑魚一般！好在細隻唔韌！幾鮮味！貴妃蚌：蚌類我喜歡，呢度好新鮮爽口！蜆：無沙，雖然較細隻！蝦：海中蝦！爽口正常！泥鯭：本來唔敢食！怕有怪味！同事食咗話好味，試一條，肉質彈牙！無怪味！其他雞：食了1件！彈牙！牛𦟌：味濃有咬口！魚滑：彈牙爽口！魚蛋：潮洲式手打魚蛋！魚味濃！南瓜：淋身好味！鮮菇：新鮮！響鈴：脆口！因為三女一男，最後當然食唔晒，好在無額外再加食物！唔係好浪費！店員話可以包走，因為$190一位包晒食物！我們都食到8成，所以我哋無包走！