影片
更多
2018-03-25
52 瀏覽
今日係poly聽完talk，就孖住朋友去紅磡食dinner喇，好耐冇去紅磡，其實都唔知有咩食。出poly行到天橋嘅盡頭落去就開始搵嘢食喇，行幾步見到一間火鍋店，$198全包打邊爐，好似好吸引喎，就入去食呢間啦。店員好熱情咁招呼我哋入去坐，兩個人坐四個人嘅卡位呀，好闊落，成張枱好大，可以隨便擺嘢，勁舒服睇睇餐牌先，$198海龍王鍋，成個餐好豐富呀！有好多海鮮，又可以自選打邊爐配料，就叫呢個餐十下十下啦原來除咗$198全包打邊爐之外，仲可以散叫打邊爐㗎。見到門口有個大牌食雞煲，其實都好吸引，不過兩個人食唔到咁多嘢，唯有下次先叫啦張打邊爐仔都好多野食，下次一定試 檯面有包濕紙巾，非常貼心！對於呢包濕紙巾，小妹真係感激不盡！ 事緣係咁嘅，小妹非常粗心大意，唔小心倒瀉成碗豉油，成身都係，灰爆好彩有呢包濕紙巾咋！！可以即時係咁抹店員都非常之好 ，第一時間有兩個店員幫我抹枱抹櫈，又抹埋地下真係好唔好意思！！要好多謝啲店員黎幫我，如果唔係真係拿手唔成勢非常感激店員，超好服務，唔該曬 ！！一嚟就有兩碟餐前小食。食主食前先食下小菜，好開胃呢除咗豉油之外，仲有六款調味醬料，任添加，調返啱自己嘅醬料先一嚟就有
店員好熱情咁招呼我哋入去坐，兩個人坐四個人嘅卡位呀，好闊落，成張枱好大，可以隨便擺嘢，勁舒服
睇睇餐牌先，$198海龍王鍋，成個餐好豐富呀！有好多海鮮，又可以自選打邊爐配料，就叫呢個餐十下十下啦
原來除咗$198全包打邊爐之外，仲可以散叫打邊爐㗎。見到門口有個大牌食雞煲，其實都好吸引，不過兩個人食唔到咁多嘢，唯有下次先叫啦張打邊爐仔都好多野食，下次一定試
檯面有包濕紙巾，非常貼心！對於呢包濕紙巾，小妹真係感激不盡！ 事緣係咁嘅，小妹非常粗心大意，唔小心倒瀉成碗豉油，成身都係，灰爆好彩有呢包濕紙巾咋！！可以即時係咁抹店員都非常之好 ，第一時間有兩個店員幫我抹枱抹櫈，又抹埋地下真係好唔好意思！！要好多謝啲店員黎幫我，如果唔係真係拿手唔成勢非常感激店員，超好服務，唔該曬 ！！
一嚟就有兩碟餐前小食。食主食前先食下小菜，好開胃呢
除咗豉油之外，仲有六款調味醬料，任添加，調返啱自己嘅醬料先
一嚟就有海鮮啦，好興奮呀啲海鮮全部都好新鮮呀！！啲蝦一黎到隻隻都好生猛跳跳紮又有我平時好鍾意嘅貝類海鮮，鮑魚啦，貴妃蚌，大蜆等。另外又有魚，又有蟹滿足晒我食海鮮既慾望呀！
全部海鮮都好鮮甜！鮑魚肥美，爽口彈牙蟹有好多膏，好多蟹肉，好有鮮味！蝦就唔使講啦，紮紮跳非常新鮮，非常彈牙！！魚肉亦都好嫩好滑，冇得頂呀！
食完海鮮就到打邊爐喇，五款配料我哋叫咗肥牛，手打墨魚丸，花膠，雞肉同埋黑毛豬腩片。其實仲有好多配料好想叫，選擇困難症又出黎喇不過唔緊要啦，五樣份量都已經好多，驚食唔曬㖭
逐樣講下先，肥牛好靚呀，都有唔少片，整完之後仲好淋，一啲都唔會靭
黑毛豬腩片，聽個名超勁！黑毛豬果然食落好香豬肉味
花膠非常正！！滋潤養顏！得幾塊咋，話咁快就食完喇，超正勁想encall
手打墨魚丸，好香墨魚味！爽滑彈牙，食到一粒粒嘅墨魚，正呀！！
仲有鮮雞肉，雞肉非常嫩滑，唔會好似平時食雞肉鞋十十
我哋仲叫咗一個雜菜籃，份量幾多下，有木耳，金菇，生菜同娃娃菜 打邊爐梗係要有菜濕下口咁先夠完美架嘛
朋友好欣賞呢間舖頭有好多支裝嘅汽水。支裝同平時罐裝既係唔同啲，D汽都勁啲我哋前後叫咗幾支先夠喉呢
打完晒邊爐主角就出場喇！！就係我哋期待已久嘅粥底呀！我自己從來未食過粥底火鍋所以覺得好特別。用打完邊爐嘅湯底，果然係精華所在！所有海鮮呀肉類蔬菜嘅精華都盡在湯底加埋粥同配料入去食，估唔到係咁好味因為粥入面仲會加入南瓜 ，芋頭同粟米，成個粥變咗非常香！！仲有葱呀，欖菜，芫茜等等一齊食，完全係頂瓜瓜！！平時好少食粥嘅我都忍唔住食曬成鍋，真係超好食丫
想試下海鮮粥底火鍋嘅朋友都不妨嚟呢間鋪頭試一試，包你食過返尋味！！同埋呢間鋪頭嘅服務質素真係非常好！店員一流，非常讚！！
張貼
