添財記 (已結業)

九龍城的粥粉麵茶餐廳，店內地方頗寬闊，見左右枱的客人都是在吃粥，便叫咗艇仔豬肚粥（走豬皮）和蝦米腸粉。粥有單或雙拼，艇仔是其中一款，基本認識以為艇仔多數有花生、魷魚絲、豬皮、炸米粉與碎牛肉的混合體等，再加埋豬肚應是相當豐富。粥來了，咦！同我的期望有些出入，原來這店只有魷魚、花生（走了豬皮）和豬肚，配料唔多，忍不住詢問一下，老細話仲有肉絲，於是同佢一齊搵，終於在高度集中力下，在粥中找到一兩條微細的肉絲仔。粥底綿但很鹹，豬肚一般，魷魚尙算爽脆。蝦米腸粉，即叫即做的，粉漿蒸出來依依靱靱黏黏的，很有彈性，蝦米仔咬落有淡淡蝦乾味，加上葱花，有些解膩之用。比粥出色得多。