元朗新記 (吳松街)

營業中

休息中

我係粥既愛好者，實在係好鐘意食粥。經過見到哩間粥鋪，貌似新開無耐，就想試試。整體來講，粥係幾有水準，幾綿幾足料；而且其他小菜亦都幾有風味。店內乾淨企理，防疫措施都做得唔錯，食得幾安心。好多人覺得夏天熱辣辣唔啱食粥，但係我覺得，夏天食粥，因為係流質食物，先係容易入口同吸收。貴妃雞蠔仔粥雞粥係店內主打，覺得要試。雞係有醃過同烹調過既貴妃雞，並唔係普通滑雞；雞肉食落都滑，同埋好味，成煲仔粥都好夠味。而且粥底好綿同滑，雞味好香。蠔仔嘅分量都多，同埋唔怕腥。粉腸豬腰豬紅粥同樣係足料，而且粥底綿同滑，鐘意內臟既朋友肯定要點，粉腸咬落好香好咬口。XO醬拍拍瓜餐前小食，開胃爽口香脆炸大腸係menu上既皇牌菜，確實係香口既，炸得香脆，同埋大腸本身就係我既愛，配粥食真係一流！大愛！海蜇熏蹄男朋友指定要點哩個，佢好鐘意食熏蹄，我覺得都幾爽口，麻油味好香，點醬食味道又係好夾既店內係懷舊嘅裝修風格，濃濃嘅本土味道。