靠得住粥麵小館 (已結業)

星期六既早上 男朋友一早就岀左門 得番我自己一個去食早餐 我就落左樓下呢間靠得住食個中式早餐Menu我揀左D1 碎牛肉粥配鮮炸油條 ($27) 再加$5配飲凍豆漿落左花生係粥面做配料 蔥就俾我走左 碎牛肉既份量算係多 令個粥好鮮甜 碎牛肉整到好似免治牛肉咁 唔駛點咬就可以呑落肚 係懶人既早餐油條仲暖暖地 但係超級油 一放入碗粥諗住點d粥黎食 成碗粥就即刻泛起晒油 搞到即刻無晒食慾 不過杯凍豆漿都幾好飲 甜度岩岩好 下次黎都會再叫碗粥配豆漿飲