靠得住粥麵小館 (已結業)

一路都知道靠得住有早餐供應，但是常常都見到他們有排著長龍就沒有去吃了！今天因為時間充足就跑去試一下！ 原來他有分西式及中式兩個部分！但來得靠得住，老實說也不會跑來吃西式！ 看到餐牌價錢非常合理！我們選了一個是魚片碎牛粥套餐及 皮蛋瘦肉粥套餐。 從來都沒有懷疑過靠得住 粥的質量……它如常非常之好！皮蛋糖心，瘦肉入味，沒有太咸，味道剛剛好！感覺粥底應是魚湯粥底，質地綿密！ 套餐配選了炒麵，另一份選了混醬腸粉！炒麵質量中上，混醬腸粉 非常好味，是一個有80至85分的項目！粥餐加5元熱加8元凍飲 就可以配各式各樣的泠熱飲。既然來到靠得住就一定會選薏米水……熱的薏米水裏面滿滿薑味，薏米份量亦足！整體整個早餐質量非常好！只售37元！ 若去其他茶餐廳也要30多元一份的早餐， 相對之下靠得住的質素高出 許多，難怪長龍不斷！

我今天晚上6點半多D到你們旗下的靠得住品牌進行晚餐,真的令到我十分生氣,你們一個這麼大名氣這麼高的品牌居然所有東西都沒有得賣,首先你們的豬手和豬軟骨都沒有,然後到你們的招牌魚皮,炒麵,腸粉,魚腩粥,白鱔球,魚胶粥和魚嘴粥都沒有,真不知道怎樣拿米芝蓮,好吧也沒有關係,那我就吃小炒,你們的精選晚餐餐牌只有五樣菜有做,什麼水晶雞,椒鹽鮮油,蛋黃大蝦,脆皮乳鴿,最基本的通菜炒牛肉都冇？我真的不知道你們是不是做生意,我去了两天,两天都是百無,那你們開什麼餐廳？沒有一點令我滿意,有個姐姐態度也極差,我叫她下單,大大聲叫其他同事下單,叫她裝杯水也大聲叫其他同事,態度極之惡劣！！！最後還有一位年輕的男同事很樂意地和我解釋有什麼菜是有有什麼菜賣完,這位同事值得表揚！你們這麼大的集團這樣做生意不得的,何況現在分店旁邊已開了两間新店,再這樣下去我真的不會再來！

嚟過呢間食午餐，可能因為米芝蓮食店，所以名氣大，一個人閑閑哋都要$60-$70 ，老實講，粥品嘅味道一般，可能當時冇食到佢最貴嘅嗰種海鮮粥，所以其實食唔出有咩特別，平時中午都好多人，反而早餐同下午茶價錢比較抵啲，聽過朋友講，豬手麵都唔錯，但係我覺得好油膩所以冇試過，反而食佢牛肉粥、皮蛋瘦肉粥比較多，早餐嘅話$40就有一碗粥，同埋可以揀一個小食，不過選擇唔算太多，下午茶都係$40左右，都幾抵食，有啲食品中午午餐都有，算係比較抵食，有興趣可以揀呢段時間試吓。

之前午餐時間去左食，唔洗等位就有得入。一坐低佢就俾一壺蘋果紅茶，每位$3。我就叫左一個秘製牛腩菜飯，牛腩好夠軟身，而且個汁好入味，用黎撈飯食真係一流，但係如果牛腩有多幾舊會更好。另外更餐仲有豆漿，都幾抵食。

今日放工返到樓下都已經九點想食野但都已經無咩選擇 見到靠得住仲有開就走去試下開左幾年我都係第一次去食不過一入去比我嘅第一印象就認真差一入到去見到呢個餸好似幾抵就即刻叫侍應落左先點知十分鐘之後再落其他野嘅時間 發現侍應竟然冇落到單咁唯有叫其他宵夜餐牌上面嘅選擇都幾多我地兩個叫左兩個主食第一個主食 和味豬手撈麵賣相都唔錯 味道唔會太鹹 而且豬手炆得相當唔錯軟而不膩 美中不足嘅係有一舊淨骨上 另一舊毛相當多第二個主食 狀元及第粥粥相當綿滑 裡面嘅腎、肝、粉腸都相當新鮮整體黎講都唔錯 美中不足嘅係姜絲重手左 同埋個粥可以再熱多少少 比我有個感覺個粥放左陣先拎岀黎~~~~~~~~~~~~~~~~~~~~~~~~~~~~~~今次係我第一次黎靠得住食 整體食物質素環境都唔錯 係服務扣左少少分 不過都值得再去幫襯下次再試下其他野食

今天來到靠得住食了一個下午茶套餐，豬軟骨湯麵加油菜！豬軟骨夠晒淋，多肉，軟骨煲到質地有點像牛媽根般，利害 ！芥蘭菜，把菜莖的衣批掉，食起來沒有渣，夠晒細心，抵讚 ！比個貼士大家，如果要食粥或者食麵，有時間的話，一定要早餐或下午茶來吃，會比正價平很多😄

天氣咁熱都懶得煮飯， 不如就近近哋去樓下， 食番餐家常便飯 。靠得住 ，一向都同個名一樣 唔會差 係價錢比較貴少少 啫今日就叫咗 原條鮮魚浸時蔬， 木桶豬軟骨 菠蘿咕嚕肉， 我覺得最值得一讚嘅係 個菠蘿咕嚕肉拎到上枱嘅時候， 眼前一亮唔只顏色靚，擺得仲靚好似成個菠蘿擺番喺你面前咁， 當然個味道都係好好味呀 啲肉仲好軟身好滑 條魚都唔差 ，白菜仔都好夠冧。 個木桶豬軟骨，送飯 真係一流 冇得輸 呢個係我今日嘅推介必點 肉質鬆軟 味道有層次 唔會死鹹 略嫌食完罪究感重啲

經常路過都想幫襯，但個人對於粥類食物唔太感興趣，今日一家三口搵嘢食，發現有位即刻入去幫襯，原來唔只得粥麵，仲有小菜供應，正合心意，不過上菜速度就慢咗D，等咗半個鐘，鮮菠蘿沙拉一口骨終於上枱，肉質夠入味唔韌，非常出色；木桶豬軟骨又係入味非常；原條鮮魚湯浸時蔬，用咗䱽魚，略嫌帶點腥，魚肉算滑嘅，總結3款小菜都算有水準，價錢雖然略貴都尚可接受，會再幫襯，試吓其他菜式

今日想食得清淡啲所以就嚟食粥啦，拎得米之蓮，食物一定唔差。叫咗個招牌心肝寶貝粥，即係有豬膶同帶子。個粥煮得好棉好甜，豬潤都好滑，不會鞋。帶子有成兩三粒，仲係大大粒，好甜👍👍不過個油炸鬼就覺得好油，麻麻地。。

30蚊個早餐, 免收加一服務費但另加添一條油條要22蚊, 都冇問題但係條油條要收加一服務費 $2.2問心講, 碗粥已經好細碗, 味道一般,炒麵都過得去, 但油條就差過海皇粥店,一粥麵. 唔值22蚊, 仲敢收加一添 ！

路過想食粥就入黎試下，叫左豬潤粉腸粥，酸蘿蔔同油炸鬼。本身都鐘意食豬潤，食落好爽口，唔會太粉。女朋友叫左個皮蛋瘦肉粥，味道唔錯，但係啲料不及街外粥鋪多，40幾蚊黎講都還可以，以味道取勝。重點係酸蘿蔔，非常好食，酸得好爽又夠脆而且油炸鬼新鮮脆卜卜熱辣辣，非常不錯👍🏻蘋果紅茶唔錯，有蘋果香味，環境方面，座位寛敞，寧靜清幽，令人享受美食。服務員態度很好，每個都面帶笑容，加水效率好高。😀下次會再食，鐘意食粥既朋友可以試一試。

由於住呢一區附近都冇乜嘢特別粥譜去咗一粥麵二去咗幾次一粥麵都有唔愉快嘅經歷例如每次叫佢走豬皮佢都一定唔會理會。。。所以今日搵到就去咗新都城嘅靠得住，有可能係下午茶開始嘅原因所以樓面都比較凌亂但係職員好友善，都係我食完會再幫襯嘅其中一個原因之前嚟過幾次食艇仔粥每次叫佢哋走豬皮都唔會出事今次亦唔例外個粥底非常之軟綿綿鴨絲好香另外就拼腸粉雖然有少少凍但係都尚算合格嘢飲就帶咗薏米檸檬水啊夠晒健康～話咁快唔使三個字就食咗成半百但係呢個質素的確可以接受

今日午餐食清淡啲， 去咗間粥店。 呢間連鎖式經營嘅粥店係米芝蓮之選， 質素自然有保證。舖頭人流都算多， 車輪轉咁， 大約等咗十分鐘先至有位。 鋪頭都算乾淨， 枱櫈同餐具等都算企理。今次就嗌咗碗蠔仔粥搭配舖頭自家製嘅招牌鹹肉粽， 另外就嗌咗客獅子頭菜飯。講咗碗粥先， 呢度嘅粥底標榜無味精， 但出奇地粥非常鮮味， 因為舖頭粥底係由鮮雞淆製而成， 所以齋食粥已經非常惹味， 搭配蠔仔嘅鮮味， 可以話係畫龍點睛。 呢度嘅粥 ，真係仲好味過出面啲味精粥， 超級終極強烈推介。獅子頭菜飯係上海菜， 食得出落咗花雕酒， 令到獅子頭唔單止好味，仲非常之香。 豬肉碎搭配豆腐同蛋嗰種口感， 真係吸引人一啖錫一啖，食到唔識停。呢兩味餸價值都係80蚊左右， 味道咁好而言， 超抵食。

將軍澳，比大家咩印象？全個區都係商場？定係網上人戲稱既"無街之城"？對於我嚟講，將軍澳其實拍得住馬鞍山。邊一方面？當然係食物方面。好多人話馬鞍山係美食沙漠，我覺得將軍澳都差唔多，哈哈。好喇，入正題。呢間靠得住唔知大家知唔知，其實係太興集團既。我覺得無問題，大集團有好多唔同菜式既分支好正常。靠得住喺灣仔既總店係攞左米芝蓮推介，但米芝蓮指南都講明，係灣仔店。將軍澳呢間分店，我覺得就普通啦。粥未算特別綿密，豆漿有豆味，但係味道唔算好濃。至於dumpling 就正常啦。整體未算特別出色，只屬一般，未達米芝蓮水平。

《靠得住》在新都城已開業多年，一直未能光顧。趁著boxing day在附近行完山，去吃個午餐都是挺好的選擇貴為榮獲米芝蓮的食肆，對該店的要求當然來得高吧無論是裝修或服務，都是不能挑剔；唯食物質素最重要的... 先看餐牌，其實以午市套餐而言，價錢尚算經濟，且款式算多於是，家人就點了一客牛腩撈麵配菜芯 和 一客豬手撈麵配菜芯。白灼菜芯都當清甜，很新鮮的呢！秘製牛腩撈麵份量剛剛好，牛筋腩十分煙韌，牛腩與果皮一起煮，香味濃郁幼麵雖相當彈牙，但腩汁較多，顯得較咸。各種撈麵都配一碗蝦籽湯，惜實在太咸，較重口味小弟難以喝清，靠不住了。至於金牌豬手撈麵，豬手勝在無毛，大大隻且光脫脫，爽口彈牙，滿滿的骨膠原唯醬汁仍是老問題，太咸了吧該店問題源於食物質素，太重口味吧務必改善此問題，否則被人譏笑靠不住了。