影片
更多
2020-07-04
267 瀏覽
難得今日lunch有多啲時間，就同啲同事食餐好嘅慢慢嘆， 中環H Code大廈內的「品」葡萄酒餐廳原來係米芝蓮指南嘅推介食店，主打我比較鍾意嘅中式粵菜，而且有好多好吸引嘅酒品，如果鍾意酒嘅話我諗呢間都係一定要試！除咗晚市時段之外，午市竟然都可以做到幾個Course嘅tasting menu，一於試一試佢啦！雲霧鮑魚用南非鮮鮑，配上酸梅及白酒等食材煮製成梅汁，下面就有啲乾冰，效果係會倒入玫瑰茉莉花茶，令到視覺好似騰雲駕霧，但係同時亦可以聞到一啲清新嘅香味。鮑魚已經設成一片片，師傅刀工了得，打直切落去但係根本睇唔出破綻！ 滋補鮮甜是日燉湯，係蟲草花椰子燉鮑魚，睇落去好清新沒有油，飲落去原來都幾香。無骨炸子雞呢個我都真心推薦，佢裏面啲雞肉係經慢煮嘅雞胸肉，用咗比較高質素嘅薑蔥油調味，香脆雞皮仲有麥芽糖香，加上炸魚片薄脆 放喺底部，肉夾中間，皮放在上面，多重口感滋味，特別而且好吃。 安格斯牛肉炒陳村粉個牛肉質素真心好，好香，而且整體好夠味，陳村粉嘅口感就介乎河粉和腸粉之間。甜品芒果夜明珠，入面有好清新嘅芒果西米露，大粒細粒都有，口感好特別，加上椰子忌廉及蘭香籽，無論口感還是香味都是一流。加$2
除咗晚市時段之外，午市竟然都可以做到幾個Course嘅tasting menu，一於試一試佢啦！
雲霧鮑魚用南非鮮鮑，配上酸梅及白酒等食材煮製成梅汁，下面就有啲乾冰，效果係會倒入玫瑰茉莉花茶，令到視覺好似騰雲駕霧，但係同時亦可以聞到一啲清新嘅香味。鮑魚已經設成一片片，師傅刀工了得，打直切落去但係根本睇唔出破綻！
滋補鮮甜是日燉湯，係蟲草花椰子燉鮑魚，睇落去好清新沒有油，飲落去原來都幾香。
無骨炸子雞呢個我都真心推薦，佢裏面啲雞肉係經慢煮嘅雞胸肉，用咗比較高質素嘅薑蔥油調味，香脆雞皮仲有麥芽糖香，加上炸魚片薄脆 放喺底部，肉夾中間，皮放在上面，多重口感滋味，特別而且好吃。
安格斯牛肉炒陳村粉個牛肉質素真心好，好香，而且整體好夠味，陳村粉嘅口感就介乎河粉和腸粉之間。
甜品芒果夜明珠，入面有好清新嘅芒果西米露，大粒細粒都有，口感好特別，加上椰子忌廉及蘭香籽，無論口感還是香味都是一流。
加$20有茶，我哋就揀
白茶 -雲南2019年月光白芽茶
White Tea - Yunnan 2019 Moonlight Silver Buds
烏龍 -潮州鳳凰單叢 Oolong Tea - Chaozhou Fenghuang Dancong
都幾清新，配中菜一流，仲可以無限refill熱水！
仲有呢間店嘅紅白酒係好專業，個款都係飛機直送，入面有啲好大支e.g. 你平時見唔到嘅紅白酒包括3公升，18公升等～ 仲有d酒品tasting menu配搭菜式一齊食，如果鍾意食粵菜，而且想品嚐多啲唔同種類嘅葡萄酒就一定要過嚟試吓！
張貼
