影片
更多
2022-09-11
2546 瀏覽
位於跑馬地嘅呢間「隱世」私房菜，喺我心目中絕對係香港粵菜排第一。唔難book位（起碼唔駛等半年先有得食），但水準甚高👀之前食過幾次，有幾道菜式係十分出色嘅，如百花釀蟹鉗、熟成三日牛肉。前者係粵菜中嘅手工菜，豬網油包住啖啖蟹肉嘅蟹鉗酥脆而不油膩；後者熟成之後牛肉味甚濃，用來配酒一流。今次再訪，決定試啲新嘢。自選菜單揀咗💁🏻♀️：茶燻雛鴿西班牙黑毛豬叉燒芥末金沙魚皮花膠螺頭燉雞香醉紅蟳椒香焗大虎蝦醬碌獅頭鵝竹笙時蔬卷蝦子蝦油蔥油撈麵芥末金沙魚皮每次黎到天一閣都必叫嘅前菜，其實冇乜芥末味，反而沾咗濃厚嘅鹹蛋黃味，鹹香脆到不得了，炸魚皮調味嘅上限原來可以咁高。🧚🏻♀️花膠螺頭燉雞粵菜燉湯常見組合，唔特別outstanding，下次可試試其他嘢。🤭香醉紅蟳‼️話香醉紅蟳係天一閣嘅代表作我估冇人會反對，事實上呢味「花雕雞油蒸花蟹陳村粉」做得比大班樓更為出色🤩二十年花雕味香但唔會搶走蟹肉鮮味，陳村粉夠薄身，上碟撈完擺多陣就更加索晒啲蟹肉、花雕、雞油嘅味道，越食越出味😋椒香焗大虎蝦🦐呢個都係天一閣必試嘅菜式之一，花椒調味完惹味而不嗆喉，而且香氣撲鼻😌焗完嘅虎蝦表面香脆，蝦肉彈牙。餐廳會按照當日嘅來貨決定
唔難book位（起碼唔駛等半年先有得食），但水準甚高👀
之前食過幾次，有幾道菜式係十分出色嘅，
如百花釀蟹鉗、熟成三日牛肉。前者係粵菜中嘅手工菜，豬網油包住啖啖蟹肉嘅蟹鉗酥脆而不油膩；後者熟成之後牛肉味甚濃，用來配酒一流。
百花釀蟹鉗
78 瀏覽
0 讚好
0 留言
今次再訪，決定試啲新嘢。自選菜單揀咗💁🏻♀️：
茶燻雛鴿
西班牙黑毛豬叉燒
芥末金沙魚皮
花膠螺頭燉雞
香醉紅蟳
椒香焗大虎蝦
醬碌獅頭鵝
竹笙時蔬卷
蝦子蝦油蔥油撈麵
芥末金沙魚皮
每次黎到天一閣都必叫嘅前菜，其實冇乜芥末味，反而沾咗濃厚嘅鹹蛋黃味，鹹香脆到不得了，炸魚皮調味嘅上限原來可以咁高。🧚🏻♀️
芥末金沙魚皮
62 瀏覽
0 讚好
0 留言
花膠螺頭燉雞
粵菜燉湯常見組合，唔特別outstanding，下次可試試其他嘢。🤭
香醉紅蟳‼️
話香醉紅蟳係天一閣嘅代表作我估冇人會反對，事實上呢味「花雕雞油蒸花蟹陳村粉」做得比大班樓更為出色🤩
二十年花雕味香但唔會搶走蟹肉鮮味，陳村粉夠薄身，上碟撈完擺多陣就更加索晒啲蟹肉、花雕、雞油嘅味道，越食越出味😋
香醉紅蟳
100 瀏覽
0 讚好
0 留言
椒香焗大虎蝦🦐
呢個都係天一閣必試嘅菜式之一，花椒調味完惹味而不嗆喉，而且香氣撲鼻😌焗完嘅虎蝦表面香脆，蝦肉彈牙。餐廳會按照當日嘅來貨決定蝦嘅種類，之前食過龍蝦仔都相當出色。👏🏻
醬碌獅頭鵝
醬油味十分入味，雖然偏鹹但係香味突出，鵝肉燜完之後保持到嫩滑嘅口感。
蝦子蝦油蔥油撈麵🍝
呢個撈麵十分之輕盈，入口唔覺得油膩，爽口且不黏，就算呢個係最後一個主菜都忍唔住係咁添食。
蝦子蝦油蔥油撈麵
188 瀏覽
1 讚好
0 留言
張貼
