% Arabica (鴨巴甸街) (已結業)

行完pmq，又黎到最鐘意既呢間咖啡店坐下傾下計！我同朋友都好鐘意呢度既氣氛，白色裝修，文青簡潔設計，燈光柔和，又坐得舒服唔會好逼好喧鬧。唔講唔知，個個都以為%Arabbica係黎自日本，但其實呢間精品咖啡店係起源於香港架，只不過被冠以最美咖啡館既京都分店開左之後就開始崛起，宜家門店片及世界各地，歐洲、中東、日本、香港、中國、菲律賓....4年間開左足足30間分店，認真誇張！-%Arabbic每間店都會有個世界地圖，係標記！背後意思係創辦人想宣揚透過咖啡看世界~-飲品黎啦！當然首先要係呢個標誌性既金色世界地圖前面打個卡啦😆 今次我地嗌左凍既Matcha Latte同熱既Spanish Latte。Matcha Latte色澤好自然好靚，抹茶清香，唔會過苦，奶味濃郁且質感柔滑，飲落好smooth好舒服。朋友既Spanish Latte都好好飲，Spanish Latte同普通Latte既分別係將咖啡入面既牛奶以煉奶取代，所以味道會甜d又rich d，口感更絲滑。