影片
更多
2018-11-16
285 瀏覽
最近愛上左食omakase，可以食到由師廚精挑細選既食材。今次就同朋友去試下呢間為於銅羅灣既廚師發辦，雖然係新開張，但味道一流，非常向大家推薦！入到去餐廳既環境非常唔錯，相當整潔乾淨。我地今次就揀左呢個每位$1580既set，內容非常豐富，可以用大飽口福黎形容。首先食既係前菜三品，分別有炸白蝦仔、菜豆、日本青瓜、村下玉子同日本黑糖柿肉。店員細心咁向我地講解食材同埋食法。炸白蝦仔食落非常香口，村下玉子甜甜地，相當可口，但最叫我驚喜既係黑糖柿肉，味道相當清甜，同淋係面既芝麻醬又相當夾，呢道前茶三品無論係賣相定味道上都叫人相當滿意。之後就係酒肴六品，其實就係6款時令既刺身。第一款刺身係右口魚，其中一款卷住左湯葉同味增，而另一款則卷住左右口魚肝，同一種魚生帶出左兩種唔同既滋味。右口魚魚味清淡，魚既甘香會係咀嚼下漫漫散發，卷入魚肝更能加重右口魚本身既魚味，非常好食。接住係八爪魚及八爪魚白子。八爪魚係蒸熟左既，食落味道同口感近飲鮑魚；至於八爪魚白子我都係身一次食到，其實就即係八爪魚既精巢，據說營養價值非常高，但個人就唔係太識欣賞佢既味道。之後係海膽三文魚子杯，師傅運用左來自北海道既海膽，味道鮮美獨
入到去餐廳既環境非常唔錯，相當整潔乾淨。
我地今次就揀左呢個每位$1580既set，內容非常豐富，可以用大飽口福黎形容。
首先食既係前菜三品，分別有炸白蝦仔、菜豆、日本青瓜、村下玉子同日本黑糖柿肉。店員細心咁向我地講解食材同埋食法。炸白蝦仔食落非常香口，村下玉子甜甜地，相當可口，但最叫我驚喜既係黑糖柿肉，味道相當清甜，同淋係面既芝麻醬又相當夾，呢道前茶三品無論係賣相定味道上都叫人相當滿意。
之後就係酒肴六品，其實就係6款時令既刺身。
第一款刺身係右口魚，其中一款卷住左湯葉同味增，而另一款則卷住左右口魚肝，同一種魚生帶出左兩種唔同既滋味。右口魚魚味清淡，魚既甘香會係咀嚼下漫漫散發，卷入魚肝更能加重右口魚本身既魚味，非常好食。
接住係八爪魚及八爪魚白子。八爪魚係蒸熟左既，食落味道同口感近飲鮑魚；至於八爪魚白子我都係身一次食到，其實就即係八爪魚既精巢，據說營養價值非常高，但個人就唔係太識欣賞佢既味道。
之後係海膽三文魚子杯，師傅運用左來自北海道既海膽，味道鮮美獨特，入口即溶，但又唔會比同樣鮮美既三文魚子蓋過其味道，兩者配合起來令人回味無窮。
接住就係蒸鮑魚及鮑魚肝醬，蒸鮑魚味道鮮甜，口感結實彈牙，點埋味道更濃既鮑魚肝醬一齊食令其鮮味更為突出。
係食完飽魚後，鮑魚肝醬當然唔可以浪費。配合醋飯一齊食，令食材得到最大既運用。
接住就係時令既秋刀魚，師傅分別以刺身同鹽燒既做法去炮制，味道各有特色。秋刀魚到左秋天最為肥美，制成刺身食味道甘甜，質感細膩嫩滑，味道一流！而鹽燒秋刀魚味道同樣出色，食落油香更為突出，同樣好食。
最後一款刺身係鰹魚，師傅以兩種唔同方法炮制，其中一種為將其外皮燒脆，然後夾上蒜片；而另一款則係刺身，個人比較欣賞第一種做法。鰹魚味道較濃，肉質結實，外層被燒得焦香酥脆，配合香口既蒜片食味道令人相當驚喜！
食完6款刺身已經令人相當滿足，接住落黎既係御料理，亦即係熟食。師傅為我地準備既料理係香廂蟹，亦即係雌性既松葉蟹。每隻蟹都係由日本直送，而且都有身份證，果然高質。師傅將蟹分成做蟹子、蟹肉同蟹膏，可以一齊食亦可以分開食，視乎個人口味。旁邊既係由師傅以蟹殻煲成既醬汁，亦可以加入去一齊食，別有一番風味。
接住係廚師發辦壽司7件，每款都由師傅即場手握制成，味道令人相當滿意！白蝦壽司上加上左岩鹽同柚子皮，入口首先清甜既果香，然後蝦既鮮味再漫漫出黎，味道讓人難以忘懷！
本象拔壽司用料新鮮，一食就食得出！新鮮既本象螃口感彈牙鮮美，加上淡淡既海水味，非常好食。
金目鯛壽司係最叫我驚喜既一款，師傅將金目鯛皮稍稍燒熟，每油香更為突出，入口首先係蔥香，然後魚既鮮味再慢慢地出黎，令人回味。
接住有鰤魚、赤陸魚、海膽及野生吞拿魚壽司，每樣都使用左最新鮮既食材，可以話係令人大飽口福。
食完壽司後已經好飽，師傅就為我地準備左呢款松茸雞湯，入面加入左師傅手打既魚蛋，雞湯飲落味道清甜，有非常濃郁既菇香。
最後當然唔少得飯後甜品，就係呢款由日本直送既蜜瓜，味道香甜消滯，為呢餐每人滿意既晚餐畫上左完美既句號。
張貼
