峴港安南越南餐廳

營業中

休息中

朋友話睇 社交平台見到樂富公園側邊開咗間新嘅越南餐廳，鍾意探索同支持香港新食店嘅我哋，當然二話不說即刻約時間去試下！放工夜晚七點幾去到，佢哋餐廳而家試業緊，特別寫住食材限量供應中；所以想去嘗鮮嘅朋友記得唔好太晏去啦！佢哋裝修同裝飾都好花心思，好有東南亞 feel，可以盡情打卡！門口仲有一張枱畀人 喺室外 chill 住飲下嘢💁🏻‍♀️ 我哋揀咗坐佢既吧檯，可以睇到店員調製飲品；另外吧檯位好貼心有 USB 頭，可以幫電話叉叉電⚡我哋主食叫咗佢主打嘅 #峴港招牌騸牯生牛肉手工河 (牛頸脊) & #峴港騸牯牛三寶手工河 (牛頸脊、牛坑腩、鮮牛丸)，另外再叫咗 #越式蒜香新鮮豬雜 & 店員推薦嘅 #香茅單骨雞翼 😋佢哋嘅越南河粉會喺你面前將熱湯倒入去河粉度，堅有滿滿嘅儀式感！首先講下佢個湯，係十分濃郁、新鮮熬製既牛骨湯，絕無味精！！河粉方面佢真係 #手工河粉 ，而唔係一般幼身湯河粉，食落特別滑👍🏻最後梗係要講返佢嘅牛肉 啦！牛頸脊好嫩、牛坑腩好鬆軟，濃濃既牛味，牛丸亦好彈牙，一咬落去仲會有汁咇出嚟！佢嘅出品係完完全全對得住佢個價錢有突！十分有heart🫶🏻另外佢嘅新鮮豬雜亦處理得好好，唔會有腥臭