影片
更多
2022-05-23
58 瀏覽
行過旺角嘅時候，突然係轉角位間餐廳見到個牌寫住冷鍋酸菜魚，就比呢一個名吸引左，乜酸菜魚可以凍食架咩？我地就入去呢一間餐廳試一試冷鍋嘅真身！ 👉🏻招牌冷鍋酸菜魚原來冷鍋酸菜魚嘅意思係，呢煲酸菜魚已經整好晒，隨時食得，唔係食落去凍冰冰！個侍應一上菜，就馬上比佢嘅色相吸引左，紅黃綠三種顏色襯埋好搶眼，令人食指為之一動！ 最重要係，呢煲冷鍋酸菜魚好足料，除左有好多魚片同酸菜之外，入面仲有萵苣、豆芽、金菇同水晶薯粉，食完好滿足！雖然配料嘅數目未必多，但好食嘅野貴精不貴多，個水晶薯粉超滑，吸晒d精華，所以我地最後忍唔住另外加錢叫多份，至於豆芽、金菇同萵苣，配搭酸菜魚食令到佢更加提升左口感嘅層次，魚肉多得黎又滑又無骨，酸菜又夠多，難怪係必食推介！ 至於最值得推介，係佢個湯底，盡收酸菜既精華，酸勁十足，辣同麻勁會慢慢係你食左第3啖左右開始湧上黎，令人驚喜嘅係佢加左菊花瓣唔單止係靚字，而且令個湯底有淡淡花香味，味道層次都一絕，食到最後真係差d連湯都飲晒！ (記得忍口呀!! 因為食晒d魚可以用黎打邊爐嫁!! 大推) 呢個冷鍋酸菜魚真係非常用心，令人回味，個人認為應該叫必食『精品』冷鍋酸菜魚，因為佢每一樣配
👉🏻招牌冷鍋酸菜魚
原來冷鍋酸菜魚嘅意思係，呢煲酸菜魚已經整好晒，隨時食得，唔係食落去凍冰冰！個侍應一上菜，就馬上比佢嘅色相吸引左，紅黃綠三種顏色襯埋好搶眼，令人食指為之一動！
最重要係，呢煲冷鍋酸菜魚好足料，除左有好多魚片同酸菜之外，入面仲有萵苣、豆芽、金菇同水晶薯粉，食完好滿足！雖然配料嘅數目未必多，但好食嘅野貴精不貴多，個水晶薯粉超滑，吸晒d精華，所以我地最後忍唔住另外加錢叫多份，至於豆芽、金菇同萵苣，配搭酸菜魚食令到佢更加提升左口感嘅層次，魚肉多得黎又滑又無骨，酸菜又夠多，難怪係必食推介！
至於最值得推介，係佢個湯底，盡收酸菜既精華，酸勁十足，辣同麻勁會慢慢係你食左第3啖左右開始湧上黎，令人驚喜嘅係佢加左菊花瓣唔單止係靚字，而且令個湯底有淡淡花香味，味道層次都一絕，食到最後真係差d連湯都飲晒！ (記得忍口呀!! 因為食晒d魚可以用黎打邊爐嫁!! 大推)
呢個冷鍋酸菜魚真係非常用心，令人回味，個人認為應該叫必食『精品』冷鍋酸菜魚，因為佢每一樣配料都真係精心加上黎，發揮唔同功用!!
👉🏻夫妻肺片
呢個夫妻肺片，惹味程度中上，但出色既係牛展、牛肚同牛舌既口感真係洽到好處，牛肚夠晒爽口，唔會煮得淋左/爛左，牛展個筋位食落帶勁夠晒彈，肉質又夠結實，唔會鬆散！至於牛舌就夠薄身，唔鞋口！喜歡食牛既朋友都值得推薦！
👉🏻川北涼粉
市面上，好多川北涼粉都一夾就斷，但呢個好唔同，能夠保持滑身得黎，不輕易夾斷，加上佢個辣醬食得出濃濃既豆味，而且辣既後勁凌厲，撈埋碗底既黑醋一齊食，酸酸辣辣，易入口得黎又辣得過癮，唔錯！
👉🏻黑糖糍粑
食完辣野，當然要食下甜品解辣！不過，呢度個糍粑好特別，唔係跟紅糖，而係跟黑糖！個糍粑炸到外脆內黏，上面仲加左少少黃豆味提香，配搭黑糖食好特別，由於用黑糖，除左甜以外仲多左份麥味既香氣同味道，唔會令人覺得太甜膩！
張貼
