eyescream and CHURROS (已結業)

哩期開多左好多比人影張相PO黎呃like既靚靚雪糕店，而我就對甜點好感實在一般，尤其雪糕上再加個棉花糖哩啲實在係甜上加甜，諗到都甜。而比eyescream and CHURROS吸引到既就係鎮店之寶Churros，好似心太軟同雪糕咁有熱有凍。但比較驚喜既係雪糕上既醬，我揀左海鹽焦糖，友人揀左檸檬吉士，前者咸咸地又香，後者就酸酸地帶甜，溝落甜既軟雪糕都好好味。（角度使到好似一杯大一杯細，其實一樣）只係叫左半份Churros配軟雪糕，女仔既食量都已經夠食，Churros即叫即整，熱熱脆脆幾可口，如果有多啲位可以堂食就更佳。