影片
更多
2019-08-21
56 瀏覽
呢排天氣好熱，經常都無咩胃口，朋友就提議食素，清新開胃得嚟又健康，今次就去到呢間悠蔬食，我哋分别選擇咗兩個套餐，有前菜、主菜同甜品，選擇非常豐富。店員好快送上前菜，淨係望到都夠驚喜，最特別嘅係呢個涼拌黑豆亞塔子，甜甜哋嘅黑豆加上酸酸甜甜嘅亞塔子，食落好開胃，至於紅菜頭蘋果合桃沙律都唔錯，好清新好甜，旁邊嘅山藥絲撈咗麻醬，食落都幾惹味。呢兩個手捲都好特別，一個係蘆筍素香鬆苜蓿芽，另一個就係香芒牛油果苜蓿芽，苜蓿芽好清爽脆身，加埋芒果同牛油果，味道好清爽，而貼心嘅店員仲提醒我地要盡快食，如果唔係啲紫菜會淋，真係非常細心。而湯方面就中西湯各叫咗一個，我就飲黑松露淮山忌廉湯，朋友就飲羊肚菌冬瓜竹笙黃耳百合雪蓮子湯，淨係聽個名都知道個燉湯夠足料，飲落就幾清甜滋潤，而忌廉湯就好香松露味好濃郁。台式杏鮑菇猴菇煲夠曬熱辣辣又有鑊氣，菇味香濃，食落口感結實，就算食肉獸都會鐘意。而呢個菠菜合桃野菌意大利飯配腐皮卷，賣相夠曬吸睛，非常呃Like，意大利飯好creamy，菠菜味好濃厚，加上脆脆嘅腐皮卷，味道好夾。最後就有甜品，紅茶cheese cake雖然細細粒，但好濃茶味，而鮮果脆脆芭菲就好啱女仔，表面擺上
店員好快送上前菜，淨係望到都夠驚喜，最特別嘅係呢個涼拌黑豆亞塔子，甜甜哋嘅黑豆加上酸酸甜甜嘅亞塔子，食落好開胃，至於紅菜頭蘋果合桃沙律都唔錯，好清新好甜，旁邊嘅山藥絲撈咗麻醬，食落都幾惹味。
呢兩個手捲都好特別，一個係蘆筍素香鬆苜蓿芽，另一個就係香芒牛油果苜蓿芽，苜蓿芽好清爽脆身，加埋芒果同牛油果，味道好清爽，而貼心嘅店員仲提醒我地要盡快食，如果唔係啲紫菜會淋，真係非常細心。
而湯方面就中西湯各叫咗一個，我就飲黑松露淮山忌廉湯，朋友就飲羊肚菌冬瓜竹笙黃耳百合雪蓮子湯，淨係聽個名都知道個燉湯夠足料，飲落就幾清甜滋潤，而忌廉湯就好香松露味好濃郁。
台式杏鮑菇猴菇煲夠曬熱辣辣又有鑊氣，菇味香濃，食落口感結實，就算食肉獸都會鐘意。
而呢個菠菜合桃野菌意大利飯配腐皮卷，賣相夠曬吸睛，非常呃Like，意大利飯好creamy，菠菜味好濃厚，加上脆脆嘅腐皮卷，味道好夾。
最後就有甜品，紅茶cheese cake雖然細細粒，但好濃茶味，而鮮果脆脆芭菲就好啱女仔，表面擺上忌廉做嘅玫瑰花做裝飾，真係好靚呀，而下面就好多生果同雪糕，為今餐劃上完美嘅句號。
張貼
