九井水産 (已結業)

去到尖沙咀區食日式午餐，價格唔駛一定好貴，食個壽司餐都係二百蚊內，質素仲要唔錯。先有三款前菜、同埋刺身，前菜有漬物、沙津、和風豆腐，清新嘅感覺，加上金箔嘅點綴，華麗十足。而刺身鮮味十足，無半點雪藏味，吞拿魚質感結實，而甜蝦蝦膏豐盛，證明選料有質素!接著有新鮮即炸嘅天婦羅，炸漿薄薄一層，唔會厚身影響口感，品嚐到彈牙嘅蝦肉、非常好食。然後係最期待嘅壽司加卷物，份量都幾多，帶子厚身鮮甜味足，吞拿魚魚油味香濃，吞拿魚卷物亦都係夠晒飽滿，用料豪爽。最後有一客甜品奉上，分別係綠茶味同柿味嘅棵子，甜味唔會太重太濃，啱晒香港人口味。