影片
更多
2017-04-30
66 瀏覽
今日老闆請食飯慶祝我哋嘅業績，佢話原來我哋公司附近有一間好正宗嘅日本菜， 要帶我地去見識下！我哋一班人都滿心期待！餐廳響商業大廈嘅樓上，平時完全唔覺眼，原來搵好嘢食真係要細心先有得食！店入邊座位唔多，仲有私家房可以預早book。餐廳入邊可以散叫亦都有套餐，豪食或者淺嘗任君選擇！首先上場機係北海道薯仔沙律！聽聞北海道嘅薯仔近來收穫好少， 連薯片都就嚟供應唔到！呢間餐廳竟然仲入到貨！食落去質地比美國薯爽冇咁甜，但薯仔嘅鮮味超突出！好好食！第一道菜已經好驚喜！前菜每兩個人就有一碟，分別係漬物淮山，魷魚同埋明太子。個人應為魷魚十分之突出，鮮味好重而且食落少少脆口。明太子夾著青瓜來食好鮮味。再來的係椒鹽川蝦，職員有解釋過川蝦係比較肉厚，口感較櫻花蝦好！我個人係第一次認識川蝦，蝦味好濃郁，椒鹽令到整體變得好香口！不油膩。我最期待嘅刺身五點，分別有帶子，深海池魚，三文魚，𩶘魚和春魚。春魚肉質好嫩，入口軟綿綿，味道不重慢慢滲出。帶子亦都好出色，肉好口好甜！三文魚亦都好出色，同平時食嘅挪威或加拿大嘅三文魚好唔同，味道比較鮮甜，肉質好嫩！職員話原來刺身旁邊嘅海藻都可以食！我真係第一次見識！我每樣都有試一口
餐廳響商業大廈嘅樓上，平時完全唔覺眼，原來搵好嘢食真係要細心先有得食！
店入邊座位唔多，仲有私家房可以預早book。
餐廳入邊可以散叫亦都有套餐，豪食或者淺嘗任君選擇！
首先上場機係北海道薯仔沙律！聽聞北海道嘅薯仔近來收穫好少， 連薯片都就嚟供應唔到！呢間餐廳竟然仲入到貨！食落去質地比美國薯爽冇咁甜，但薯仔嘅鮮味超突出！好好食！第一道菜已經好驚喜！
前菜每兩個人就有一碟，分別係漬物淮山，魷魚同埋明太子。個人應為魷魚十分之突出，鮮味好重而且食落少少脆口。明太子夾著青瓜來食好鮮味。
再來的係椒鹽川蝦，職員有解釋過川蝦係比較肉厚，口感較櫻花蝦好！我個人係第一次認識川蝦，蝦味好濃郁，椒鹽令到整體變得好香口！不油膩。
我最期待嘅刺身五點，分別有帶子，深海池魚，三文魚，𩶘魚和春魚。春魚肉質好嫩，入口軟綿綿，味道不重慢慢滲出。帶子亦都好出色，肉好口好甜！
三文魚亦都好出色，同平時食嘅挪威或加拿大嘅三文魚好唔同，味道比較鮮甜，肉質好嫩！
職員話原來刺身旁邊嘅海藻都可以食！我真係第一次見識！我每樣都有試一口，冇咩味道，但呢個白身日本海藻就好特別，質地好脆！
鰤魚魚鮫，職員話鰤魚係好季節性嘅，大概每年12月至到4月先至會有。佢脂肪比例比較高，所以魚鮫位超級滑！油脂好豐富！而魚皮燒得好脆好惹味！ 鮮魚味好甜好濃郁！肉又多又厚！
呢一味係醬汁豚角煮，豚肉勁滑， 油脂比例剛好，不會太肥，但入口有溶嘅感覺！而且醬汁甜甜鹹鹹剛好入味！如果用來伴白飯一流！
正當大家都已經好飽好滿足之際，原來仲有甜品！係日本番薯雪糕！番薯味勁重，食落入邊仲有少少番薯粒！雪糕好滑奶味重，對我來講係一個重口味甜品，味蕾感覺好豐富。
呢度食物質素好好，而且感覺製作好認真！店員上每一道菜時都細解釋食物嘅來源同埋製作。食得安心又放心。不過呢度座位唔多，建議要來食的話預早預訂位置。眼見當晚有一兩台客嚟到都因為冇位而要撤退。
張貼
