Slow House

營業中

休息中

堅尼地城嘅<Slow House>，可以話係一間美味嘅隱世小店，佢哋嘅自家製burger同埋意粉都做得非常之好食，所以有時間嘅話我都會嚟呢間小店食下lunch或者dinner。是日餐湯係蘑菇湯，蘑菇味非常之濃厚，而且蘑菇打磨得非常之棉密。沙律菜非常新鮮，入口清脆爽甜。<雙層手打牛肉芝士漢堡>手打牛肉漢堡入口牛味非常濃厚，而且仲好香好juicy，加埋半溶芝士嘅咸香味道，非常好食。炸番薯條份量都好多，入口微甜香脆。<黑松露雜菌意粉>估唔到黑松露同大啡菇份量都非常之多，大啡菇有成隻手掌咁大隻，而且仲非常之厚，入口好juicy，意粉亦creamy好食。<炸雞四件>炸雞炸到脹卜卜，而且金黃香脆，咬落去雞肉依然保持到肉質鮮嫩，惹味好食。呢度嘅凍檸檬茶味道正常，而佢哋嘅白桃茶，個人覺得非常值得推薦，入口清新香甜，而且仲有粒粒嘅白桃果肉。喺呢度食西餐，人均消費都係200蚊左右，食物質素高，而且環境非常之舒適，絕對值得推薦。