心裡有素 (已結業)

啱啱放完長假，又遇著聖誕同新年，真係瘋狂食咗好多嘢，腰圍邁向新巔峰！但食大咗個胃，要我一時間減食真係有難度，所以食得健康又要夠飽，素食自助餐就啱晒！唔好以為素食就好悶好寡，油麻地嘅心裡有素，食物高質精緻，最重要係價錢親民又抵食！心裡有素以近年大熱嘅素食自助餐為主打，分為午餐、下午茶同晚餐三個時段，用餐時間60-90分鐘。油麻地心裡有素嘅素食自助餐嘅菜式選擇相當豐富，前菜冷盤、新鮮沙律、炒粉麵飯、家常餸菜、炸物蒸物、湯品粥品、飲品甜品等，應有盡有，餐廳更不含五辛（即蔥、蒜、韭菜、蕎頭同洋蔥），所以亦非常適合五辛素食者。素食自助餐時段會不停refill同不定時加添新嘅餸菜，真係唔洗驚冇野食呀！所以呢度嘅素食自助餐出品新鮮熱辣，大家記住食幾多就拎幾多，千祈唔好食剩做大曬鬼呀！素食自助餐食物選擇非常多，私心推介嘅有黑椒薯仔、蒸水蛋同滷水豆腐，加埋顆粒分明嘅炒飯同有鑊氣嘅炒麵，真係忍唔住係咁encore！另外，餐廳亦好貼心咁提供咗幾款養生又好味嘅飲品，包括澳洲黑蜜糖檸檬水、羅漢果紅棗茶同黑桑椹山楂茶，夠曬解喝又健康呀！值得一讚嘅係餐廳非常細心，例如飲品嘅選項亦會隨天氣季節更換，好似近排天氣凍咗，