鼎·會館 (已結業)

由細到大都特別鍾意食中菜, 可能因為連繫住同屋企人嘅美好回憶, 總覺得食中菜有份親切感。可以飲住熱茶 開心傾下偈 慢慢坐下食下 傾下講下又再食過, 嗰種感覺真係好溫馨。今次嚟到鼎會館, 係因為想食坊間少有嘅 中式 brunch, 同埋 菲林芝麻卷啊。。。庭園茶聚 係星期六同星期日限定, 平過散叫好多又可以試多種款式丫麻~呢度嘅裝潢好有心思, 有氣派得呢又覺得親切感濃濃的。話梅聖女果 退咗皮嘅車厘茄 口感細緻得多, 冇草青味 配埋梅汁嚟食, 更加爽口清新。連平日唔鍾意食蕃茄嘅佢都快快乖乖食完。精選燉湯會按時令而有所改變我今次呢個係螺片湯 鮮甜到不得了啲螺片柔軟軟的, 我開心仔咁食曬平日唔會食嘅湯料。梨香釀帶子 秘製叉燒懷舊蝦多士紫晶千島汁脆蝦球即場燒叉燒現場所見除咗味覺仲有視覺嗅覺嘅享受喎肥瘦均稱 燒得剛好 香口得嚟 甜甜蜜蜜我鍾意食 梨香釀帶子, 啱啱好熟 嫩口 juicy, 中間夾住片梨, 爽爽甜的 同鮮甜帶子質感形成對比 層次分明。 有個宮廷層架上菜, 中菜整體感更強烈呢~貴妃蚌稻庭杯麵, 貴妃蚌好鮮甜啊！迷你煎堆細細個嗰陣好鍾意芋蓉燉鮮奶芋蓉好香 鮮奶好滑, 完滿啊！