禮記 (已結業)

又到咗我喜歡的澳南海岸啦，過咗一派，又有D嘢唔同咗，跨灣大橋就來完工，而食肆亦多咗，而且多元化咗，起碼我就發現咗呢間中式餐館『禮記』，亦見到有間冰室。『椒鹽脆豆腐』，一份88蚊，外型好正，而食落裡邊的豆腐真係滑瀝瀝，而外皮就够脆，一啖一口好滋味，當然，趁熱食口感更加好。『話梅香橙雞』，一份158蚊，又有話梅又有橙，酸酸哋，够晒惹味。『瑶柱魚滑上湯小棠菜』，一份138蚊，好大堆頭，個石鍋好重够份量，魚滑加上瑶柱更加鮮味，小棠菜碧綠新鮮好Fresh。