顏府御膳 (已結業)

放工搵吓附近有咩食，見到呢間評價都唔差，所以就去試吓，入到去成個感覺好高級，可能因為水晶燈嘅關係，紅色夠晒特別一坐低就問我地飲咩茶，同埋擺低餐前小食，係合桃啊，甜度啱啱好又脆卜卜，我哋嗌左香片，茶底好清香，而且飲完有回甘嘅感覺見好多人都有食呢個豆腐，所以我哋都叫咗呢個試吓，果然冇失望，外脆內軟加埋黑芝麻好有層次感呢個尖椒豆腐望個樣以為好普通，食落去有驚喜，先辣後麻，比平時食開嘅辣少少，朋友食到要飲水😂我鍾意呢個老火湯，青紅蘿蔔螺頭，好足料好夠味，而且飲完唔會口乾呢個雞我見都多人食，但對於我黎講，我覺得鹹咗少少🤏🏻整體味道係OK嘅最後炒飯做結尾，我哋梗係食唔晒啦🤣兩條友，朋友攞走返屋企。