小茶角 (Wetland Seasons Bay)

營業中

休息中

天水圍濕地公園附近都有很多食肆, 小茶角這間餐廳主打港式和台式飲食, 裝修清雅舒適, 予人悠閒感覺。午市套餐包括餐湯, 主菜和飲品, 款式精緻, 今日餐湯係椰菜花忌廉湯, 鮮甜又順滑。蒜香煙鴨胸炒意粉有鑊氣兼有陣陣蒜香, 煙鴨胸嫩滑帶鹹香, 意粉爽滑彈牙。蕃茄大蝦意粉蝦肉爽脆, 意粉掛滿新鮮清甜蕃茄醬汁, 清新有層次。芝豬牛-配薯角吉列豬扒外脆肉質嫩滑, 芝士鹹香幼滑, 口感柔軟細膩, 牛角包外層酥脆, 充滿牛油芳香, 配以香脆嘅薯角, 食得滋味。煙三文魚牛油果沙律煙三文魚肉質鹹香幼滑, 牛油果熟透滑溜, 加上新鮮沙律菜, 清新開胃。焦糖珍珠窩夫窩夫外層香脆, 內層柔軟, 雪糕球香滑, 加啲焦糖珍珠, 口感更加豐富。配埋餐飲冰凍薄荷奶綠, 白桃貴妃烏龍茶和宇治抹茶拿鐵, 好一頓滋味嘅午餐。