Bacchus (已結業)

呢間西餐廳環境幾好，闊落得黎梳化坐得舒服，裝修都幾別緻，氣氛一流～巴馬火腿沙拉卷少量沙律菜用parma ham包住，加埋松露醬。沙律菜同parma ham都夠新鮮，成個配搭簡單得黎又好食。法式洋蔥湯洋蔥湯味道比較濃郁，幾惹味，但略嫌洋蔥既甜味唔夠突出。帶子意大利飯12月既menu係鵝肝意大利飯，而1月就轉左做香煎帶子。帶子外脆內軟，肉質軟熟又香甜。個人覺得意大利飯口感岩岩，creamy得黎保留番少少米既咬口。蘋果茴香香煎鱸魚一上枱就聞到好香，除左主角鱸魚之外，仲有一隻大蝦同帶子。大蝦肉質緊實彈牙，帶子一樣都係外脆內軟。鱸魚既魚皮亦煎得香脆，好好食。opera cake最後係甜品時間。呢個opera cake除左朱古力味濃郁之外，仲有淡淡既橙香同酒漬櫻桃既味道。口感濕潤，味道同擺盤都好好。