影片
更多
2019-08-29
41 瀏覽
福川主打西日合壁既廚師發辦，有別於一般傳統嘅日式廚師發辦，除左有新鮮既食材同精湛嘅廚藝之外，仲加入左大量創意，創作左自己獨有既菜式同調味，個種味道係獨一無二既，令人久久不能忘懷，非常回味。前菜包括水雲醋，因為加左醋汁，酸酸地更加開胃。濃郁嘅蝦肉配上烏魚子，係兩種截然不同嘅味覺享受，又出奇地配合。香滑既豆腐有香濃既豆味，食落好香，係好舒服嘅味道。牡丹蝦就算唔加任何配料同調味，原汁原味都已經非常香口，蝦既香味係口腔中久久不散。鯛魚上有金箔片，睇落去高貴奢華，打卡一流。魚肉仲有少量帶酸味既啫喱，增加味道層次。而大拖羅令我一試難忘，超級肥美。壽司係八爪魚同金目雕，兩款各有特色。魚肉可以用外脆內軟黎形容，魚鱗脆卜卜有魚香，魚肉則香滑鮮嫩。最特別嘅係個醬汁，佢係甘筍魚湯香濃得黎又唔會蓋過魚既鮮味。大蝦新鮮，口感爽口彈牙。而鹽焗鮑魚相當出色，蟹肉海苔汁再加一舊用瑤柱水煲過既冬瓜，好特別嘅煮法，冬瓜咬落去好多汁。宮崎牛肉肉香滿溢，食完會唔會成口油，濃而不膩。炒飯都好正，鑊氣十足👍🏻炒蔬菜好鮮甜，爽口多汁。最後有三款甜品為今餐畫上句號，非常之滿足，尤其係日本嘅哈密瓜🍈甜到入心，好幸福呀！
前菜包括水雲醋，因為加左醋汁，酸酸地更加開胃。濃郁嘅蝦肉配上烏魚子，係兩種截然不同嘅味覺享受，又出奇地配合。香滑既豆腐有香濃既豆味，食落好香，係好舒服嘅味道。
牡丹蝦就算唔加任何配料同調味，原汁原味都已經非常香口，蝦既香味係口腔中久久不散。
鯛魚上有金箔片，睇落去高貴奢華，打卡一流
。魚肉仲有少量帶酸味既啫喱，增加味道層次。而大拖羅令我一試難忘，超級肥美。
壽司係八爪魚同金目雕，兩款各有特色。
魚肉可以用外脆內軟黎形容，魚鱗脆卜卜有魚香，魚肉則香滑鮮嫩。最特別嘅係個醬汁，佢係甘筍魚湯香濃得黎又唔會蓋過魚既鮮味。
大蝦新鮮，口感爽口彈牙。
而鹽焗鮑魚相當出色，蟹肉海苔汁再加一舊用瑤柱水煲過既冬瓜，好特別嘅煮法，冬瓜咬落去好多汁。
宮崎牛肉肉香滿溢，食完會唔會成口油，濃而不膩。
炒飯都好正，鑊氣十足👍🏻炒蔬菜好鮮甜，爽口多汁。
最後有三款甜品為今餐畫上句號，非常之滿足，尤其係日本嘅哈密瓜🍈甜到入心，好幸福呀！
張貼
