龍門棧 (已結業)

之前朋友係到食過，介紹我尼試下啲點心，龍門棧係一座商廈入面，樓下全部都係啲廚具呀浴室個啲舖頭，差啲會overlook左尼座大廈架，好在係樓下到見到尼個板入到尼已經覺得好grand，坐得好舒服，好夠空間，應該唔會回音聲好重好嘈，環境一流！menu 唔算好多野揀，但係每一項點心嘅組合都係好有特色，充滿surprise!好鍾意佢個合桃前菜，好有咬口！柱候蒸金錢肚，非常入味，唔會太好重或者過鹹！少少🌶🌶，同埋金錢肚都有咬口！另外叫左一個香茜炭燒蜜汁叉燒腸同出面真係好唔同架！個汁好香，啲蜜汁唔係得個油同膩，而係有啲燒過嘅味，好特別，而且上面仲有粒杞子，好有心思仲有鮮准山花膠蘆筍雞扎，成個口感好豐富，好多唔同質感當然要食返個甜品喇！白白滑滑嘅豆腐花！好滿意！