Next Station Dessert (已結業)

今日午後之輕食，嚟到黑布街依個甜品戰場！依到四間甜品舖頭，終於都食齊，終於完成一個偉大的創舉！不過今次唔喺同公主一齊食，果然越嚟越大膽！依間小店嘅出品，混入咗少許分子料理嘅原素！但麻甩佬對甜品嘅喜好同熱情都喺有限，又唔敢試新嘢，所以保守啲叫咗《朱古力心太軟配曲奇雪糕》就算！靚仔店員問我要咩酒？吓？真喺唔明佢講咩！原來喺有支試管裝裝住啲酒直插落心太軟，咁都幾新奇喎！先講朱古力心太軟，聽返靚仔店員講，通常客人都會叫 Baileys ！對甜品保守嘅我，都喺跟大隊啦！賣相差唔多唔講咁多啦，但味道方真喺好好！朱古力非常濃郁，砌開時都喺嘭嘭聲流出嚟，而且有 Baileys 作吊味，真喺男女都啱食！試過一次之後，如果再揀，我會揀 Rum ！曲奇雪糕可能喺叫貨啦！味道唔算突出，但曲奇餅混埋雪糕，又軟又脆，食落頗口感！比一般甜品店，更有心思！最終一份《朱古力心太軟配曲奇雪糕》過咗大半個優閒嘅下午，咁都幾寫意！代價都喺 58 蚊，真喺喜出望外喎！