Petit Deli (已結業)

西餐要做得好，的確唔容易，除咗味道、賣相、仲有一份心機，今次呢度就三樣有齊啦～我自己好鐘意食蟹肉，見有呢個蟹肉芒果他他，就毫無懸念咁要咗!蟹子、芒果同蟹肉的確係絕配，三樣嘢加起嚟好match,口感一流!呢個小食拼盤根據小弟目測，大部份客人都會揀佢，無他嘅~又有蜜瓜pama ham、燒骨、蝦卷同薯條，咁豐富點會唔叫呢？呢杯檸檬茶真係心機之作，裏面看似無冰，但原來係打碎晒响入面，令到杯茶唔會越飲越淡，夠晒茶味!帶子墨魚汁麵既麵係由呢度嘅師傅自家製，麵條造型好得意，好似雲耳咁，咬落姐好彈牙，而帶子亦夠香口，唔錯。呢個泰式肉餅味道新鮮，煎得香脆，加埋醬汁好醒胃。孩兒深愛嘅fruit punch,靚靚又香甜，果味十足!