Mangia!

營業中

休息中

Mangia主打意大利菜，都有唔少fusion菜式，特別又好食，而且裝修有格調，氣氛好好。記得要訂位，因為舖頭座位唔多，又有唔少人會book開小派對。*Burrata 2.0 (V) $128最底係烤青椒，切開Burrata芝士係羅勒青醬，表面係四川辣椒油、小蝦乾。芝士好滑好creamy，配火箭菜、香辣小蝦乾意外地非常夾，開胃小菜絕對會一啖接一啖。Mongolian Lamb (N) $168蒙古羊架由孜然等中東香科醃製，帶羊膻味，鹹香又重口味。配烤茄子泥多一層口感又可以refresh味蕾。不過份量嚟講，cp值比較低。Truffle (V) $228手工意粉吉他麵有咬口、有韌度，質感有啲似伊麵。滿滿嘅薄片冬季黑松露，係松露中味道最濃、最昂貴。意粉汁係最天然嘅黑松露味，唔係重白汁、重口味汁。