影片
更多
2015-10-31
494 瀏覽
舊同事呢輪搞緊展覽會, 晚晚做到無停手, 見佢咁辛苦, 特登過黎舊公司搵佢食飯吹水笑下. 佢話想食好D, 可以慢慢傾下偈抖下, 所以佢帶我去左呢間平時佢都成日食既日本野.門面同入面都一貫日系風格, 因為同事食過, 就由佢發板食咩. 先黎個前菜, 睇樣已經好精緻, 並唔係是但比D螺肉, 蟹子沙律你咁普通.<黑豚荔枝卷>黑豚肉外邊煎到焦香, 帶出黑豚既肉香, 而且脂肪平均, 包住荔枝肉, 所以除左肉味仲有清甜既荔枝味, 可以解左肥膩感, 好味夠特別.<博多紫蕃>外面脆漿夠薄而且呈金黃色, 紫心蕃薯夠軟腍, 甜度適中.<唐揚銀雪骨>炸到外面好脆好香口, 魚肉質夠嫩滑, 入口唔覺油膩.<刺身併盤>就要左藍龍蝦, 龍蝦蟹子, 三文魚, 劍魚. 三文魚同劍魚夠新鮮, 肉質彈牙. 藍龍蝦新鮮之餘仲好爽口, 肉質夠晒肥美鮮甜. 最特別係佢既龍蝦蟹子, 係黑色既, 好鮮入口卜卜聲.<鯛魚湯>放上枱時熱騰騰, 入口好滑, 好濃郁既魚鮮味, 但一D都唔腥, 飲多D魚湯皮膚都好D.<鹽燒香魚>外面燒到D魚皮脆脆地好
門面同入面都一貫日系風格, 因為同事食過, 就由佢發板食咩.
先黎個前菜, 睇樣已經好精緻, 並唔係是但比D螺肉, 蟹子沙律你咁普通.
<黑豚荔枝卷>黑豚肉外邊煎到焦香, 帶出黑豚既肉香, 而且脂肪平均, 包住荔枝肉, 所以除左肉味仲有清甜既荔枝味, 可以解左肥膩感, 好味夠特別.
<博多紫蕃>外面脆漿夠薄而且呈金黃色, 紫心蕃薯夠軟腍, 甜度適中.
<唐揚銀雪骨>炸到外面好脆好香口, 魚肉質夠嫩滑, 入口唔覺油膩.
<刺身併盤>就要左藍龍蝦, 龍蝦蟹子, 三文魚, 劍魚. 三文魚同劍魚夠新鮮, 肉質彈牙. 藍龍蝦新鮮之餘仲好爽口, 肉質夠晒肥美鮮甜. 最特別係佢既龍蝦蟹子, 係黑色既, 好鮮入口卜卜聲.
<鯛魚湯>放上枱時熱騰騰, 入口好滑, 好濃郁既魚鮮味, 但一D都唔腥, 飲多D魚湯皮膚都好D.
<鹽燒香魚>外面燒到D魚皮脆脆地好香口, 肉質飽滿, 夠肥美嫩滑, 魚細細條但唔多骨, 唔識食魚都好易食.
<澳洲T骨扒>外邊煎到好香, 肉有濃香既牛味, 肉汁又豐富, 面頭加左D黑椒一齊煎夠晒惹味.
整體 食材新鮮, 款式夠精緻特別, 廚師侍應得閒就會同食客傾下偈, 好滿足.張貼
