Warren (已結業)

今晚男朋友帶我去食好西，黎到大坑食法國菜，全權交俾佢order。首先黎蟹肉芒果沙律，第一次食炸左既幼麵伴碟既芒果蟹肉沙律，卜卜脆，咬落好有口感。芒果鮮甜，同埋啖啖蟹肉一齊食，好享受。帶子刺身都厚身，食落鮮甜肥美，下面有一塊紅加侖子啫喱，幾得意。燒紐西蘭羊架有兩件，燒得岩岩好，完全唔會韌，幾香口，而且冇羊羶味。香煎美國頂級西冷伴有三件西冷，好好咬，有肉味。伴碟個千層焗薯好邪惡，加左好多忌廉，但好食。法國菜果然每道菜既擺盤都好精緻，雖然份量小但令人嘗心悅目。