泰紅泰國美食 (已結業)

今日同肥妹仔一家食飯,諗下食乜之際, 發覺原來mikiki有間泰國菜!!於是就去試下喇!!頭盤: 柚子蝦沙律!!個沙律好唔錯, 甜甜酸酸好開胃!!而且D蝦都幾爽, 座底唔會霉, 入口時都仲彈牙!!味道就俾街外食果D濃左少少,但都可以接受, 值得推介!!燒豬頸肉:其實佢都燒得唔錯,加埋個醬辣辣地, 好惹味開胃!!啱晒鍾意食濃味野既我!!炒軟殼蟹:呢個軟殼蟹都OK既,又係非常重口味, 辣野!!不過唯一唔好就係配料多個主菜...表面睇好大碟, 但蟹其實唔多...只係好多炸蒜鋪在上面!!咖喱牛腩+穌油餅:呢兩個加埋真係絕配!!個黃咖喱好濃郁好惹味!!D牛腩好淋, 唔韌, 不過碎左D,個餅本身無乜特別, 最重要係加咖喱一齊食!!當加左之後真係好正, 食幾盤都得!!菠蘿炒飯:呢個就大路野來的,無乜話特別好唔好食,同其他泰國菜鋪頭食落差唔多!!不過佢最特別係用返個菠蘿殼盛返,而家都好少見, 出面都係用碟多...都幾有風味!!總括而言, 值得推介!!