海南少爺 (已結業)

今日去海港城行街, 經過見到 ❥⧽海南少爺❥⧽, 餐廳門口好骨致, 入到去發現有海景位, 環境真係幾舒服。𓊈南乳豬頸肉𓊉一上枱已經聞到陣陣南乳味, 好香, 不過食落一d 都唔咸, 豬頸肉炸到金黃色, 肉質軟腍, 好好食!𓊈馬來蝦麵𓊉湯底以赤米蝦, 豬骨, 蔬菜熬煮而成, 充滿濃濃嘅蝦味。3 隻蝦已經剝咗中間2 節殼, 好方便食, 蝦肉幾彈牙。油麵同米粉都煮得剛剛好, 軟硬適中。𓊈沙嗲拼盤 ✧ 牛 ✧ 豬𓊉可以揀2 種肉, 我揀咗牛肉同豬肉, 燒得好香口呀, 不論豬肉定牛肉都好 Juicy 多汁, 配埋好多花生粒粒嘅沙嗲醬, 真心好味!𓊈焦糖爆谷奶茶𓊉通常焦糖會配咖啡, 但係呢度配奶茶好特別, 除咗面層幾粒爆谷, 成杯奶茶都充滿好濃嘅爆谷味, 相對地比較甜, 不過值得一試。𓊈椰子菠蘿沙冰𓊉椰子味好香, 菠蘿雖然有少少酸, 不過互相平衡得幾好, 幾清新解渴。𓊈荔枝紅茶𓊉每張枱都有一壺茶, 本來以為係普洱, 點知一飲就飲到好香嘅荔枝味, 有少少意想不到, 幾好飲。✧✧ 整體食物都好好食, 員工嘅服務態度都好好, 值得再去。