影片
更多
2022-07-09
860 瀏覽
朋友早前嚟食過lunch後大讚， 於是今日一行人嚟食lunch，果然每道菜都好精緻，味道層次豐富，充滿驚喜 ☺️可以網上提早訂位，餐廳亦好細心喺之前兩日打嚟問有冇食物敏感。因為同行有一位朋友係素食者，所以餐廳亦都為佢特別改咗其中一啲材料 🌱第一道菜睇返Menu分別係和牛他他、洋蔥、紫菜同魚子醬。素食就將和牛轉咗做溫泉蛋。只係睇賣相已經令人好心動，上面嘅食用紫蘇花完全冇渣，呢幾樣食物放埋一齊意外地有啲衝擊但又好和諧，最犀利係個撻皮係用紫菜造，但係非常之脆 😋頭盤：a4 wagyu, roast onion, seaweed and caviar第二道菜係Menu上要另外加錢嘅魚子醬海膽，食落其實有啲似南瓜custard，配搭上面嗰幾塊不知名嘅葉，剛剛好唔會太膩頭盤：sea urchin custard with caviar第三道菜嘅味道最令我驚喜，初初睇完Menu都唔係好明，其實係茶碗蒸。材料有牛筋、豆同蘿蔔，素食款就冇咗牛筋。驚喜位係啲蘿蔔粒滑到好似蒟蒻咁，彈牙得來完全冇草腥味；牛筋就滑到好似啫喱，係一個清新同好易入口嘅菜式頭盤：chawanmushi, tendon, legumes
可以網上提早訂位，餐廳亦好細心喺之前兩日打嚟問有冇食物敏感。因為同行有一位朋友係素食者，所以餐廳亦都為佢特別改咗其中一啲材料 🌱
第一道菜睇返Menu分別係和牛他他、洋蔥、紫菜同魚子醬。素食就將和牛轉咗做溫泉蛋。只係睇賣相已經令人好心動，上面嘅食用紫蘇花完全冇渣，呢幾樣食物放埋一齊意外地有啲衝擊但又好和諧，最犀利係個撻皮係用紫菜造，但係非常之脆 😋
頭盤：a4 wagyu, roast onion, seaweed and caviar
Appetizer
16 瀏覽
0 讚好
0 留言
第二道菜係Menu上要另外加錢嘅魚子醬海膽，食落其實有啲似南瓜custard，配搭上面嗰幾塊不知名嘅葉，剛剛好唔會太膩
頭盤：sea urchin custard with caviar
sea urchin custard with caviar
25 瀏覽
0 讚好
0 留言
第三道菜嘅味道最令我驚喜，初初睇完Menu都唔係好明，其實係茶碗蒸。材料有牛筋、豆同蘿蔔，素食款就冇咗牛筋。驚喜位係啲蘿蔔粒滑到好似蒟蒻咁，彈牙得來完全冇草腥味；牛筋就滑到好似啫喱，係一個清新同好易入口嘅菜式
頭盤：chawanmushi, tendon, legumes, kohlrabi
chawanmushi, tendon, legumes, kohlrabi
39 瀏覽
0 讚好
0 留言
第四道菜係一個其貌不揚嘅麵包，但係食落其實鬆軟到好似cupcake，個麵包有少少甜味，所以個牛油偏鹹，配搭起嚟啱啱好
頭盤：soda bread with brown cultured english butter
soda bread with brown cultured english butter
34 瀏覽
0 讚好
0 留言
主菜有魚同雞兩款選擇，我揀咗魚。侍應介紹魚用慢煮方式再煎香，白色醬汁由蘆筍打成，加上綠色嘅野生大蒜油，而旁邊黑色嘅purée就係野生黑蒜。白蘆筍當然係好鮮甜。個野生黑蒜嘅味道真係好難形容，有啲回甘同非常之醇厚，係我成餐飯最難忘嘅味道🧄
主菜：poached local sea bass with Mr Lins asparagus and wild garlic
poached local sea bass with Mr Lins asparagus and wild garlic
39 瀏覽
0 讚好
0 留言
最後嚟到甜品，係焦糖包裹嘅紅茶吉士，加上海鹽雪芭，份量上竟然係咁多道菜之中最大，非常滿足🤣
甜品：black tea custard tart with condensed milk ice cream
black tea custard tart with condensed milk ice cream
36 瀏覽
0 讚好
0 留言
最後值得一提嘅係餐廳裝修好舒服，服務friendly得來唔會pushy。Roganic其實比較特別嘅係wine pairing，但我哋呢啲食完lunch仲要返工嘅就算啦🤣
對比起晚餐同Testing Menu價位都近千，我覺得lunch真係好抵食（$380），但只限星期二到星期五。Business lunch或者special occasion都好適合😃
最後補番個lunch menu做參考，餐廳每隔一段時間會轉下菜式，網站上都寫得清清楚楚，值得定期再返嚟再食🌱🇬🇧
張貼
