醉胡爐 (已搬遷) 新店位置

今日歌手嚴淑明同李健達請左一班工作人員去佐敦醉胡爐慶功，好榮幸都有份出席。這家餐廳裝修好靚，主打養生湯，好重視湯底。今次湯底就有，金湯鴿翅花膠湯，原隻乳鴿湯底，濃湯佛跳牆雞翅鍋及火焰龍蝦海鮮鍋。金湯鴿翅花膠湯好足料，用左全只乳鴿，加上翅及花膠好養生。佛跳牆好足料，鮑魚大大只。我就最鐘意個火焰龍蝦海鮮鍋，好濃既龍蝦湯味，全部湯底都可以先飲左個湯，品嚐完先再吃火鍋，未食火鍋我已經飲左兩大碗龍蝦湯。菜式選擇超多，今次就試左。。。。。手切頂級安格斯肥牛，好有肉味，食火鍋必備。紫菜炸響鈴即點即炸，好香脆必點，跟龍蝦湯超夾。黑松露蟹肉餃，黑松露墨魚丸 ，好重黑松露味，我覺得放落火焰龍蝦海鮮鍋到，超級夾。兩樣都係我最愛。，