Pantry Bread & Pastries (已結業)

喺九龍城食完lunch，想食下甜品，經過Pantry見到門口都幾靚，所以就決定入去試下。一入去就見到擺滿pastries的甜品櫃，仲有曲奇餅同蝴蝶酥賣。首先試下依件好可愛的lego block蛋糕。芒果芝士蛋糕 （＄54）外層是芒果慕絲，口感都算幼滑同light，一點都不漏。入面有兩層海綿蛋糕，夾住芒果醬及芒果粒，底層仲有朱古力crust。朱古力crust酥脆，令整體口感豐富。但如果有多啲芒果粒就好喇。Affogato ($48)冰凍的雲呢拿雪糕上淋上espresso，令雪糕溶化於咖啡中，甜中帶苦，熱中帶點冷。再加上燕麥片、提子乾、脆脆，使味道更香，更有口感。太陽花cupcake （＄44）朱古力味蛋糕配上butter cream及oreo製成的太陽花，外型真是十份可愛精緻。可是口感頗硬，朱古力味不夠濃，有點失望。伯爵茶蛋糕 （＄42)Earl grey味道香濃，不會好甜，而且口感挺鬆軟，好食！