風月堂 (已結業)

佐敦佑寧堂附近開左間新的風月堂, 聽講呢間日西式餐廳在香港都已經好多年, 而家見到有早餐供應, 每次行過都心郁郁想入去試下, 不過又覺得有D貴。有一日卒之想豪一下, 就入左去試下。早餐有兩個選擇, 有傳統英式早餐, 包括豬肉腸, 煙肉, 火腿, 薯餅, 雙蛋同埋焗豆; 另外有一個鮮菌奄列早餐, 配薯餅及雜菜, 鮮菌可以轉火腿或者煙肉。睇落好吸引, 最後都揀左英式早餐, 原來可以轉炒蛋。個早餐D食物都OK, 因都係買番來, 不過個炒蛋, 好有驚喜, 個蛋炒得好香好滑,一D都唔濕, 比起同區另一間有很多自由行排隊的長龍餐廳, 一D都唔遜色。整體都算合格, D侍應服務都唔錯, 雖然價錢好似貴D, 但係都值得比好多分的餐廳。下次有機會再來時, 就試下個奄列早餐。