影片
更多
2022-10-12
1922 瀏覽
今日去咗黃金買keyboard，順便喺深水埗搵好嘢食。經過見到呢間澳葡牛奶餐室，睇落似係普通茶記，但望落其實啲裝修都好精緻，完全唔似平時茶記嘅麻甩味，好乾淨企理！咖喱牛坑腩飯 $56份量好多，牛坑腩都有成六七舊，炆得好稔好入味。咖喱唔算係好辣嗰啲，不過都好惹味送飯一流，食食吓都唔小心食晒成個飯🤪蔥油生炸雞髀撈丁 $45 （流心熟雙蛋+＄8）見到呢個咁邪惡嘅撈丁梗係要試吓啦！生炸雞髀真係好好食，外皮香脆入面嘅雞肉汁好juicy！唔怕肥嘅話一定要連皮食！蔥油撈丁真係冇得輸，加埋流心雙蛋，絕對係美食！香煎魚餅配馬介休醬 $33食落似鯪魚肉餅，配馬介休醬配搭好新鮮，平時都好少試呢隻味，幾特別，可以試吓！金沙雞翼 $26呢個雞翼又係超邪惡，外皮炸得好香脆，食落啲油噴晒出嚟，又夠晒熱辣辣，$26嚟講性價比好高！華田鮮奶 & 字治金時鮮奶呢兩杯特飲跟餐 +$12，原價每杯$24，兩杯都好好味，我自己就鍾意宇治金時多啲，因為杯入面有超多紅豆粒，好好味！凍正宗雙皮奶 $26食飽飽再試埋個雙皮奶，好嫩滑，有凍同埋熱嘅選擇，食落牛奶味好重，好鍾意😍😍葡撻 $12葡撻外皮好鬆脆，新鮮即整真係好唔同，食落熱辣辣
咖喱牛坑腩飯 $56
份量好多，牛坑腩都有成六七舊，炆得好稔好入味。咖喱唔算係好辣嗰啲，不過都好惹味送飯一流，食食吓都唔小心食晒成個飯🤪
蔥油生炸雞髀撈丁 $45 （流心熟雙蛋+＄8）
見到呢個咁邪惡嘅撈丁梗係要試吓啦！生炸雞髀真係好好食，外皮香脆入面嘅雞肉汁好juicy！唔怕肥嘅話一定要連皮食！蔥油撈丁真係冇得輸，加埋流心雙蛋，絕對係美食！
香煎魚餅配馬介休醬 $33
食落似鯪魚肉餅，配馬介休醬配搭好新鮮，平時都好少試呢隻味，幾特別，可以試吓！
金沙雞翼 $26
呢個雞翼又係超邪惡，外皮炸得好香脆，食落啲油噴晒出嚟，又夠晒熱辣辣，$26嚟講性價比好高！
華田鮮奶 & 字治金時鮮奶
呢兩杯特飲跟餐 +$12，原價每杯$24，兩杯都好好味，我自己就鍾意宇治金時多啲，因為杯入面有超多紅豆粒，好好味！
凍正宗雙皮奶 $26
食飽飽再試埋個雙皮奶，好嫩滑，有凍同埋熱嘅選擇，食落牛奶味好重，好鍾意😍😍
葡撻 $12
葡撻外皮好鬆脆，新鮮即整真係好唔同，食落熱辣辣，如果唔係食到太飽我都想食多一件🥰🥰
📍 澳葡牛奶餐室 (深水埗)
深水埗汝州街278號地舖
#葡萄牙 #澳門 #茶餐廳 #foodie #food #852food
張貼
