影片
更多
2021-04-01
200 瀏覽
睇完蘋果嘅介紹之後就一直都想嚟呢間位於中環嘅中法fusion素菜餐廳，可惜食肉獸先生一直唔肯就範，今日終於搵到朋友陪我嚟體驗一下。餐廳嘅環境同餐具都好精緻，一入座枱上已經放咗小食盅，打開係香脆可口嘅腰果仁，鹹淡適中。難得嚟到當然要嗌呢道唔少人推介嘅燉湯，用茶壺上倍感精緻，份量唔算多，但用上珍貴嘅黑虎掌菌同雞油菌，營養價值豐富，入口味道香濃，絕對唔輸蝕俾加咗肉類嘅燉湯。玫瑰叉燒係餐廳嘅招牌菜，當然亦唔可以放過，玫瑰叉燒賣相精緻，伴上自家製嘅玫瑰花瓣醬，連碟上面嘅裝飾都可以食用，好有心思。素叉燒雖然係常見嘅素菜，但要整得神似絕對唔容易，做到色香味俱全亦好考師傅嘅手藝。素叉燒口感同半肥瘦嘅叉燒非常近似，味道更加可以媲美真正嘅叉燒，自家製嘅醬汁更加隱隱透住淡淡嘅花香，食多幾件都唔會膩。素鵝肝球配上松露白汁同脆卜卜嘅多士，一上枱已經聞到香噴噴嘅松露味，色澤金黃，令人食慾大增。咬開香脆嘅外層，內裡係滿滿嘅素鵝肝蓉，綿滑香濃，細膩嘅口感同脆卜卜嘅外皮形成強烈對比，加上同樣醉人嘅松露白汁，令香氣同味道更上一層樓。食完素鵝肝球意猶未盡，仲可以用香脆嘅多士沾上松露白汁同欖油珍珠嚟食，亦係另一個完美配搭。大
睇完蘋果嘅介紹之後就一直都想嚟呢間位於中環嘅中法fusion素菜餐廳，可惜食肉獸先生一直唔肯就範，今日終於搵到朋友陪我嚟體驗一下。
餐廳嘅環境同餐具都好精緻，一入座枱上已經放咗小食盅，打開係香脆可口嘅腰果仁，鹹淡適中。
黑虎掌燉雞油菌燉湯
$98
14 瀏覽
0 讚好
0 留言
難得嚟到當然要嗌呢道唔少人推介嘅燉湯，用茶壺上倍感精緻，份量唔算多，但用上珍貴嘅黑虎掌菌同雞油菌，營養價值豐富，入口味道香濃，絕對唔輸蝕俾加咗肉類嘅燉湯。
玫瑰叉燒
$118
22 瀏覽
0 讚好
0 留言
玫瑰叉燒係餐廳嘅招牌菜，當然亦唔可以放過，玫瑰叉燒賣相精緻，伴上自家製嘅玫瑰花瓣醬，連碟上面嘅裝飾都可以食用，好有心思。素叉燒雖然係常見嘅素菜，但要整得神似絕對唔容易，做到色香味俱全亦好考師傅嘅手藝。
玫瑰叉燒
$118
23 瀏覽
0 讚好
0 留言
素叉燒口感同半肥瘦嘅叉燒非常近似，味道更加可以媲美真正嘅叉燒，自家製嘅醬汁更加隱隱透住淡淡嘅花香，食多幾件都唔會膩。
黃金素鵝肝球佐松露白汁
$138
19 瀏覽
0 讚好
0 留言
素鵝肝球配上松露白汁同脆卜卜嘅多士，一上枱已經聞到香噴噴嘅松露味，色澤金黃，令人食慾大增。
黃金素鵝肝球佐松露白汁
$138
20 瀏覽
0 讚好
0 留言
咬開香脆嘅外層，內裡係滿滿嘅素鵝肝蓉，綿滑香濃，細膩嘅口感同脆卜卜嘅外皮形成強烈對比，加上同樣醉人嘅松露白汁，令香氣同味道更上一層樓。
黃金素鵝肝球佐松露白汁
$138
21 瀏覽
0 讚好
0 留言
食完素鵝肝球意猶未盡，仲可以用香脆嘅多士沾上松露白汁同欖油珍珠嚟食，亦係另一個完美配搭。
大烤菇意大利飯
$148
19 瀏覽
0 讚好
0 留言
大烤菇意大利飯賣相同樣精緻，意大利飯口感彈牙，加入粟米粒同露筍粒倍感清新，減低膩滯感。
大烤菇意大利飯
$148
20 瀏覽
0 讚好
0 留言
大啡菇加上帶有微微拉絲效果嘅半溶素芝士零舍吸引，必須一讚大啡菇烤得恰到好處，菇味香濃之餘，入口仲非常juicy！
黃金脆皮燕麥奶 $68 純素朱古力蛋糕 $68
16 瀏覽
0 讚好
0 留言
甜品方面我哋嗌咗侍應推介嘅朱古力純素蛋糕同黃金脆皮燕麥奶，各有千秋。朱古力純素蛋糕味道香濃而且唔會太甜，口感綿密之餘帶少少心太軟嘅感覺，好有驚喜！
黃金脆皮燕麥奶 $68 純素朱古力蛋糕 $68
16 瀏覽
0 讚好
0 留言
今次嘅素食體驗令人非常難忘，食物無論賣相定味道都唔輸蝕比一般嘅葷菜，配搭上更加顯得出廚師嘅用心，非常推薦！
張貼
