影片
更多
2019-02-28
49 瀏覽
難得百忙之中抽空同男朋友撐枱腳，想係屯門搵下有邊間野唔錯可以試下。搵搵下見到呢間「Girlboss by Master Kama 」，個名好長😂睇評價好似唔錯，滿懷期待去試！果到既環境好靚，周圍都有唔少粉紅色，食野既地方係open area，座位唔多。—Menu都係粉紅色既，好清晰，幾欣賞佢地可以轉Set叫多啲食，同埋可以叫半份野食既概念。☺️枱同餐具同餐廳既feel都好夾。—海膽忌廉蟹肉意粉呢個連埋下面既意粉，各叫左半份，盛惠128。每樣叫半份，就可以試多啲唔同款既野食。👍🏼一放上枱，好香既海膽同蟹味，已經有信心會好食。果然，撈暈左之後，啖啖都好香蟹味，間中亦會有淡淡既海膽味，係口腔混和一齊。忌廉好濃稠，藍妹好鐘意呢種Creamy既感覺。🤤—炸軟殼蟹冬陰功意大利粉冬陰功味好突出，唔會好淡冇味，酸味唔重，反而辣味好出，好惹味！🤩軟殼蟹炸得非常好，粉漿薄而脆，我地兩個都覺得有油炸鬼既味道。🤣不過意粉就炒得乾身左啲，令到麵條黏得太緊要，如果濕返少少，相信整體口感會更好！—低溫慢煮法國黃油春雞‧肉桂燉蘋果／奶油薯仔片‧迷迭香燒汁（半隻）慢煮果然需要長啲既時間，我地食哂前面2樣菜式，再等左5-1
搵搵下見到呢間「Girlboss by Master Kama 」，個名好長😂
睇評價好似唔錯，滿懷期待去試！
果到既環境好靚，周圍都有唔少粉紅色，食野既地方係open area，座位唔多。
—
Menu都係粉紅色既，好清晰，幾欣賞佢地可以轉Set叫多啲食，同埋可以叫半份野食既概念。☺️
枱同餐具同餐廳既feel都好夾。—
海膽忌廉蟹肉意粉呢個連埋下面既意粉，各叫左半份，盛惠128。
每樣叫半份，就可以試多啲唔同款既野食。👍🏼
一放上枱，好香既海膽同蟹味，已經有信心會好食。
果然，撈暈左之後，啖啖都好香蟹味，間中亦會有淡淡既海膽味，係口腔混和一齊。
忌廉好濃稠，藍妹好鐘意呢種Creamy既感覺。🤤
—
炸軟殼蟹冬陰功意大利粉冬陰功味好突出，唔會好淡冇味，酸味唔重，反而辣味好出，好惹味！🤩
軟殼蟹炸得非常好，粉漿薄而脆，我地兩個都覺得有油炸鬼既味道。🤣
不過意粉就炒得乾身左啲，令到麵條黏得太緊要，如果濕返少少，相信整體口感會更好！
—
低溫慢煮法國黃油春雞‧肉桂燉蘋果／奶油薯仔片‧迷迭香燒汁（半隻）慢煮果然需要長啲既時間，我地食哂前面2樣菜式，再等左5-10分鐘，佢先上菜。
不能不說，黃油春雞真係超香！
出奇地，冇乜黃油味，但Rosemary既味就好濃郁，食到尾仲有少少檸檬葉既味道。🤯
肉質仲係嫩滑既，唔會老，連埋皮食，lam lam脷。😋
肉桂燉蘋果，以為會甜既，點知好酸，食左一舊就放棄左。🙄
最後，藍妹覺得佢既奶油薯仔片好有特色，好似一個tart咁。
一片片既薯仔，每片中間都有奶油，仲有淡薄既芝士味，微脆既口感令藍妹不期然食哂。
每人口味唔同，藍妹就認為如果烤多陣，薯仔可以再林啲，就完美啦！😍
—
Momo (白桃烏龍茶)我地兩個都對呢杯有啲失望，因為佢除左烏龍味，係冇乜白桃味嫁。
飲到一半，基本上只係淨返茶味。😣
—
呢間餐廳好值得三五知己或者年輕情侶黎食，食物精緻之餘，亦有出乎意料既水準。😉
價錢唔算太貴，2,3個人黎食，一路傾計一路享受，相當唔錯喔！
張貼
