隆濤院 (已易手) 新餐廳

在網上看到有人推介這間中菜館，得知中午時段有飲茶放題便決定一試！那天跟老公同奶奶十二點去到茶樓，位置在1881的一個類似四合院的地方，門面很低調，但頗有特色。餐廳內裝修很雅緻，古色古香，有種脫離了繁盛巿區的感覺。座位挺寬敞，不是很多人，亦有不少遊客。好！入正題！一坐下，服務員便給了放題點心紙！當然每樣叫啲試下味先！我覺得最好吃是香檳蝦餃，淺粉紅色的蝦餃很晶瑩，皮很薄，啲蝦用香檳浸過，有點甜香。我們吃過後，encore 了幾次。其他點心也很特別同都好好味，例如燒鵝酥，賣相已經好得，個酥好鬆化，好味！仲有豬潤燒賣，酸薑皮旦酥都好味同特別！反而個鮑角雞扎就不是太特別，不過都夠經貴的，雞扎內有大約半隻小鮑魚，而198任吃的價錢，吃多幾隻已回本！不得不提那個媽媽靚湯，真係好好飲！其實那天的湯只係蕃茄薯仔豬骨湯，但唔知點解咁鮮甜！連廚神奶奶都想知點解可以咁鮮甜！總之一句好食抵食值得食！