影片
更多
2019-05-18
279 瀏覽
尋日一行11人食生日飯慶祝，一早訂左位但限時90分鐘，不過我地最後食到佢地10點清潔先走。 皮蛋豆腐 （刀工好好，味道正常，豆腐滑）雞絲粉皮（粉同雞比列好似係3:1同埋唔夠醬撈）虎咬豬（包夠軟熟，肉很入味但超肥，梅菜可以多返少，因為無咩汁，好乾）黑金流沙包（堅好食，包軟熟，一咬就有好多汁流出，好似食緊小籠包咁😋）炒西蘭花苗（從來未食過，但係真係比較嫩）酸菜魚（魚肉好滑，不過份量就唔多，個湯底有少少似冬陰公，而且入面有少少薯粉）冰鎮咕嚕肉（一上菜有好多冰，撥開之後見到有菠蘿咕嚕肉、蜜瓜同哈密瓜粒。咕嚕肉外面有拔絲嘅感覺，脆身，入面就唔係好熱。呢碟野都係用黎呃like, 普普通通）糯米方鴨（佢話製作需時30分鐘，原來就係得四件壽司咁嘅嘢😅。上面係酥炸嘅鴨肉，下面係煎過嘅糯米飯，食落幾得意但唔係特別出色）荷葉飯（呢個飯反而幾欣賞，佢每一粒飯都給包滿左汁，食落又夠熱又夠香口，仲有少少雞肉粒同冬菇粒。份量都算比較正常）咖喱牛腩燒菠蘿（唔覺菠蘿上，然後係你面前點火，火燒完之後打開菠蘿入面其實係咖喱菠蘿牛腩。啲牛炆得好淋好入味，不錯 ）蝦炒腸粉 （又係勁細碟，食落似豉油王炒腸粉。）紅油/麻醬抄手 （
皮蛋豆腐 （刀工好好，味道正常，豆腐滑）
雞絲粉皮（粉同雞比列好似係3:1同埋唔夠醬撈）
虎咬豬（包夠軟熟，肉很入味但超肥，梅菜可以多返少，因為無咩汁，好乾）
黑金流沙包（堅好食，包軟熟，一咬就有好多汁流出，好似食緊小籠包咁😋）
炒西蘭花苗（從來未食過，但係真係比較嫩）
酸菜魚（魚肉好滑，不過份量就唔多，個湯底有少少似冬陰公，而且入面有少少薯粉）
冰鎮咕嚕肉（一上菜有好多冰，撥開之後見到有菠蘿咕嚕肉、蜜瓜同哈密瓜粒。咕嚕肉外面有拔絲嘅感覺，脆身，入面就唔係好熱。呢碟野都係用黎呃like, 普普通通）
糯米方鴨（佢話製作需時30分鐘，原來就係得四件壽司咁嘅嘢😅。上面係酥炸嘅鴨肉，下面係煎過嘅糯米飯，食落幾得意但唔係特別出色）
荷葉飯（呢個飯反而幾欣賞，佢每一粒飯都給包滿左汁，食落又夠熱又夠香口，仲有少少雞肉粒同冬菇粒。份量都算比較正常）
咖喱牛腩燒菠蘿（唔覺菠蘿上，然後係你面前點火，火燒完之後打開菠蘿入面其實係咖喱菠蘿牛腩。啲牛炆得好淋好入味，不錯 ）
蝦炒腸粉 （又係勁細碟，食落似豉油王炒腸粉。）
紅油/麻醬抄手 （一碟有八碟仔，呢個唔好食。啲粉勁多，有餡嘅部份得好少，粉皮好硬都唔係滑滑嗰隻。紅油炒手嗰碟唔夠辣，完全食唔出風味）
黑椒雞粒洋蔥煎包(外面煎得唔算脆，黑椒汁好濃郁，甚至有少少辣，同洋蔥雞粒好match！👍🏻）
煎蠔餅（蠔仔好多粒，但食唔到煎餅，得炸粉。）
肥牛义燒（用牛燒到好似义燒咁，食落唔似牛，肉質同肥瘦適中，蜜汁濃邊好味😋）
環境方面餐廳唔算多大枱，我地11個人坐張方形枱，無轉盤，多人食飯唔方便同埋坐得好迫。餐廳收$100切餅費唔包切，但會用好靚既蛋糕碟上比你。
張貼
