Bondi (已結業)

家姐介紹話荔枝角呢間bondi好坐又有好野食，就約左佢嚟食晚餐啦！入到去發現都幾闊落，有小小暗，幾有情調。望一望menu,發現有好鐘意嘅軟殻蟹！仲要夾落墨魚汁意大利飯，所以就叫左啦，大概10幾分鐘就上左，賣相幾好，上面有2隻蟹，都幾大隻，好香脆又惹味但個意大利飯就咸左小小，但非常creamy! 好值得一試另外仲叫左羊架配粗薯條，羊架叫7成亦好淋，小小肥，好juicy粗薯即叫即炸！熱辣辣香噴噴仲勁脆口！熱氣都要食最後叫左心太軟，非常出色！朱古力帶小小苦，唔會似出面咁得個死甜，而且超級流心，配雪糕食一流