木子園 (已結業)

今日嚟上環呢間「木子園」食京川菜，環境相當舒適，裝修打破傳統中菜裝修，採用清新木系風格，仲搭配酒吧相當創新，連餐牌嘅設計都相當用心～ 我今次叫咗$488二人套餐～杏桃茶呢度有多款清新嘅花茶選擇，呢款杏桃茶帶有香濃嘅果香，入口清新，消滯解膩～ 四喜烤麩呢款開胃小食用咗香菇、冬筍、木耳、豆腐乾，味道香甜，帶有濃郁嘅豆味同菇香，仲有木耳嘅爽脆～ 魚子醬流心蛋糖心蛋糖心效果恰到好處，蛋味香濃，配上鮮味魚子醬好精緻～蟹肉粟米羮暖笠笠，質感同濃稠度恰到好處，中間帶有蟹肉同粟米嘅鮮甜味～ 椒鹽小黃魚小黃魚外面炸得香脆，裏面肉質鮮嫩，細骨都炸到脆卜卜可以食落肚～宮爆雞丁炒得好香，見到咁多辣椒以為好辣，原來呢隻辣椒係香多過辣，香辣中間帶酸甜，加埋花生非常惹味～上湯菜心菜心翠綠爽脆，配上湯可以平衡肉嘅油膩感蒸花素餃裏面有木耳、香菇、粉絲等餡料，皮薄餡靚～ 整體食物質素不錯，員工服務態度非常周到細心，會主動幫客人添茶及介紹菜式，環境舒適寬敞。