顏府御膳 (已結業)

今日book咗間高級小小嘅中菜廳同朋友慶祝生日，佢覺得好特別，好少何有人帶佢去食中菜，但呢間好體面！入到去環境真係幾高級，服務員嘅招待好好，枱上面仲有紅酒。我哋點左二人套餐。前菜《鮑汁鳳爪》甜甜地好入味，而且蚊到好林，又夠大隻，好好食。《鹽燒茄子》我諗應該係椒鹽茄子，外皮好薄，微脆口感，內裡茄子夠熱，又有汁，唔會好乾身，好開胃。《老火湯》呢個湯飲落好健康，飲唔出味精或者添加嘅味道，係好天然嘅瓜甜味，好好飲。主菜《鐵板鮮沙姜陳皮生煎雞》好好食！雞肉好嫩，煎得好香啊，但係就唔覺有陳皮味，沙姜味就幾出！《XO醬法邊豆炒帶子》呢個又係好好食，法邊豆好爽脆，唔會好林，又好夠味，帶子係半熟，好嫩滑！仲有好多粒添，抵食！ 總括嚟講，呢餐好豐富好滿足，朋友都好開心，雖然價錢唔係平，但係食到質素已經返晒黎。