鴻星中菜 (已結業)

鴻星真係陪住我大既酒樓黎，差唔多間間都試過。對於唔鍾意咁傳統既中式點心既朋友，鴻星既公仔點心簡直係恩物！就算要比多少少錢，見住d做得咁精緻既點心真係好好味口，而且味道都唔錯！鴻星啲點心真係好特別，幅圖入面個海龜包係一個綠茶味嘅包，有種甜中帶甘既感覺...上面個殻係一塊曲奇，咬落去軟中帶脆，綠茶味啱啱好唔會太濃，香味彌漫喺口中，真係好過癮！！佢仲有好多其它得意點心，例如白兔綿花糖、鳳凰蟹籽卷等，除咗賣相精美之外，味道都好唔錯，大大份足料之餘仲味道好新奇，絕對唔係普通茶樓會食到嘅味道，但配搭起嚟又好夾！雖然價錢方面唔係好平，但想飲茶又想有啲新意嘅可以嚟鴻星一試！