Green Orange

今日同朋友去了Green Orange食lunch~星期日都有set lunch，價錢唔錯的~有Starter (湯、餐包、沙律)、Main、餐飲。今日餐湯係南瓜湯，好濃，簡直就似直接食緊個南瓜咁，不過就唔洗咬，加埋忌廉，好滑，南瓜控必試呀!餐包係蒜蓉包，蒜味足，熱辣辣，建議大家一上就食呀!沙律都唔hea架，用咗好多新鮮蔬果，小蘿蔔、紅菜頭都有，蕃茄仔好甜，哩個沙律就真係食個新鮮，如果鐘意食蔬果嘅朋友應該都會覺得正!嚟到main了~ 我哋揀咗蒜香煙肉什菌炒意粉同埋煙燻鳳尾蝦配椰香南瓜黃薑意大利飯。先講意粉，好香蒜味，都好似每條意粉都佔滿蒜油蒜油咁，而且意粉彈牙，煮得啱啱好，唔會過淋，其實齋食意粉已經覺得好滿足，好耐無食過咁高質嘅意粉。至於煙肉都炒到焦香，同蒜香好夾，加埋什菌又平衡返油膩嘅感覺，唔錯呀。到意大利飯了，鳳尾蝦又係煮到啱啱好，唔會老，新鮮彈牙，同埋都大隻呀。而飯就好juicy，粒粒米都俾南瓜椰汁包裹住，都係唔會過淋，食意大利飯最怕好似食粥咁，哩間唔會，濕潤之餘又保持到飯嘅口感。南瓜味依然係咁濃郁，反而黃薑味唔算太搶喎，只係淡淡的，唔食黃薑都可以試下，畢竟黃薑對身體好好~ 感覺